منهنجي شاعري
پنهنجي وڃايل روح کي ڳولي ٿي
هن جي روح بابا فريد کان به اڳ
سفر ڪيو هو
ها شايد سيفو کان
پوء مسلسل رلندو رهيو
گوئٽي ڪاليداس ميرا ڪبير ڀٽائي
سچل بيدل ۽ غالب
انهن سڀني جي سيني ۾
ساڳي هوا ۽ روشني هئي
جنهن جي پويان رلندي
آئون ڪالهه پهاڙن ۾ وڃائجي وئي هيس
تو مونکي ڇو ڳوليو
آئون نظر نٿي اچڻ چاهيان
مونکي ڳولهي تون ڪتابن ۾ پورجي ٿو وڃين
منهنجو روح زخمي آهي
آئون آخري ڀيرو ڪارونجهر تي
سجدو ڪرڻ ٿي چاهيان
