پاڪستان هٿان پريڪٽس ميچ ۾ آفريڪا اليون کي شڪست

بينوئي (اسپورٽس ڊيسڪ) پاڪستان پريڪٽس ميچ ۾ ڏکڻ آفريڪا انويٽيشن اليون کي شڪست ڏئي ڇڏي. ميچ جي ٽئين ڏينهن 197 رنسن جي هدف جي جواب ۾ امام الحق ۽ حارث سهيل جي شاندار بيٽنگ سبب پاڪستان گهربل هدف 4 وڪيٽن تي حاصل ڪري ڪاميابي ماڻي. بينوئي ۾ کيڏيل پريڪٽس ميچ جي ٽئين ڏينهن حارث سهيل 73 ۽ امام الحق 66 رنسن جي شاندار اننگ کيڏي. هوڏانهن ڏکڻ آفريڪا ۽ پاڪستان جي ٽيمن ۾ ٽن ٽيسٽ ميچن تي ٻڌل پهرين ميچ 26 کان 30 ڊسمبر تائين سنچورين ۾ کيڏي ويندي.