پروفيسر ميان جاويد جو هٿڪڙيون لڳل لاش هٿ اچڻ بابت جاچ شروع

لاهور : آءِ جي جيلز پنجاب پاران پروفيسر ميان جاويد جي موت بعد هٿڪڙيون لڳل تصويرون وائرل ٿيڻ جي جاچ شروع ڪئي وئي آهي. سرگوڌا يونيورسٽي جا غير قانوني ڪيمپسز کولڻ جي الزام ۾گرفتار چيف ايگزيڪيوٽو  پروفيسر ميان جاويد جي موت وقت هٿڪڙيون لڳل تصويرون سوشل ميڊيا تي وائرل ٿيڻ بعد پنجاب جي وڏي وزير عثمان بوزدار نوٽيس وٺي آءِ جي پنجاب کان رپورٽ طلب ڪئي.  انسپيڪٽر جنرل جيلز پنجاب مامري جي جاچ شروع ڪري ڇڏي آهي. جاچ دوران جيل ۾ مقرر پوليس اهلڪارن سميت ڊاڪٽرن کان پڇاڳاڇا ڪئي پئي وڃي ته ڪوتاهي ڪٿي ٿي آهي؟ پروفيسر ميان جاويد کي دير سان اسپتال آندو ويو يا ڊاڪٽرن دير جو مظاهرو ڪيو؟ وڏي وزير کي اڄ رپورٽ پيش ڪئي ويندي.