رهتون ڏيو! پڪاچانگ جي ڪيترن ئي ڳوٺن جي بجلي ڪاٽا، احتجاج

فيض گنج (رپورٽ: رياض سولنگي) پڪا چانگ لڳ واپڊا وارن اڳاڙي لاءِ ڪيترن ئي ڳوٺن جا بجلي جا ڪنيڪشن ڪٽي ڇڏيا، جنهن خلاف مختلف ڳوٺن جي رهواسين ڳوٺاڻن ذوالفقار سولنگي، غفور شر، غلام حيدر ،شبير راڄپر ۽ ملوڪ راڄپر احتجاجي مظاهرو ڪندي چيو ته پهرين تاريخ بجلي وارا بجلي ڪٽي ويا هيا ۽ ڳوٺاڻن کان لائين مين عبدالقيوم 20000 هزار روپيا بجلي هلائڻ جا گهريا اسان چندو ڪري هن کي 17000 روپيا ڏنا ته به بجلي چالو نه ٿي هنن چيو ته واپڊا وارن کي بجلي چالو ڪرڻ جي شڪايت ڪئي آهي پر ڪوبه عمل نه ٿيو آهي وري لائين مين اسانکي چيو ته سڀ ڳوٺ ملي ڪري 50 هزار ڏيو ايس ڊي او پوءِ راضي ٿيندو هنن چيو ته بجلي نه هجڻ سبب ڳوٺ ولي محمد سولنگي، الف الدين شر، تاج محمد شر ۽ ٻيا ڳوٺ انڌيري ۾ ٻڏي ويا سردي ۾ زندگي جي ڪارونهنوار هلائڻ ۾ تڪليف ٿئي ٿي هنن مطالبو ڪيو ته ڪرپٽ لائن مين ۽ ايس ڊي او پڊعيدن خلاف ڪاروائي ڪري اسانجي بجلي بحال ڪئي وڃي ٻي صورت ۾ گرڊ اڳيان ڌرڻو ڏينداسين.