سرڪاري آفيسن جو به ڳچ حصو حددخلين ۾ شامل

دادو: هاءِ وي جي قانون ۾ واضح ڪيل آهي ته نيشنل هاءِ وي جنهن کي قومي شاهراهه به سڏيو ويندو آهي، اُن جي ڀرپاسي جيڪڏهن سرڪاري يا نجي عمارتون تعمير ڪرايون وڃن ته اُن لاءِ قومي شاهراهه ۽ اڏاوتن وچ ۾ گهٽ ۾ گهٽ 60 فُٽن جو فاصلو هجڻ ضروري آهي. ذريعن موجب ڊي سي هائوس، بلڊنگ کاتي جي آفيس، سرڪٽ هائوس، ايس ڊي او روڊس آفيس، ايس پي آفيس، هيپاٽائيٽس سينٽر، روينيو ڪوارٽر، سيپڪو انجنيئر جي آفيس ۽ ڊي يڇ او جي آفيس به اهڙي طريقي سان تعمير ڪيون ويون آهن، جو انهن جي اڳيان واريون ڀتيون 60 فُٽن جي فاصلي تي هجڻ بدران قومي شاهراهه سان ڳنڍيل آهن. دادو شهر جي مُک موندر ناڪي ڀرسان پراني واپڊا اسڪارپ جي جي بنگلن تي به بااثرن جا قبضا 15 سالن کان برقرار آهن، جن کي خالي ڪرائڻ لاءِ ڪابه رٿابندي نه جوڙي وئي آهي، ريلوي کاتي جي بنگلن ۽ ڪوارٽرز تي به قبضا ڪندڙن خلاف ڪابه ڪارروائي نه ڪئي وئي آهي.