اسپتال ۾ ڳو هڪ ليڊي ڊاڪٽر مقرر، ويم لاءِ ايندڙ عورتون پريشان

ڳڙهي خيرو(ن پ ا)ڳڙهي خيرو تعلقه اسپتال ۾ هڪ ليڊي ڊاڪٽر،هڪ گائناڪالوجسٽ ۽ ٽي مڊوائيوز آهن. اسپتال جو ليڊي عملو صبح 10 بجي کان 3 بجي ڪم ڪري ٿو پر 3 بجي کان پوءِ ڪا به ليڊي ڊاڪٽر ۽ باقي ليڊي عملو نه هئڻ ڪري ويم لاءِ ايندڙ عورتون مشڪلاتن ۾ گهيرجي ويون آهن. شهرين عبدالفتاح جمالي،نادر علي ٻرڙو،جمال منگي ۽ ٻين پنهنجي اخبار کي ٻڌايو ته ايم ايس ڊاڪٽر قربان لانگاھ پاڻ به ڊيوٽي نه ڪندو آهي ۽ ڪڏهن ڪڏهن اسپتال ايندو آهي پر هن پنهنجي عملي کي به ڇوٽ ڏئي ڇڏي آهي.ليڊي ڊاڪٽر ۽ مڊوائيوز صبح جي وقت ڊيوٽيون ڪن ٿيون ۽ رات جو ڪنهنجي ڊيوٽي نه هئڻ ڪري ويم واريون عورتون مشڪلاتن کي منهن ڏئي رهيون آهن.ڪيترائي دفعا ايم ايس کي گذارش ڪئي آهي ته ليڊي ڊاڪٽر ۽ هڪ مڊ وائيف جي ديوٽي ڏينهن جو ۽ گائناڪالوجسٽ ، ٻي مڊوائيف ۽ نرس جي ڊيوٽي رات جو لڳائي وڃي ته جيئن رات جو ايندڙ مريضن کي به سهولت ٿي پئي پر راشي ايم ايس ڪجھ ٻڌڻ لاءِ تيار نه آهي.