اربين رپين جا کانچا آهن، معاف نه ڪنداسين: چيف جسٽس جا مني لانڊرنگ ڪيس ۾ ريمارڪس

چيف جسٽس پاڪستان جعلي بينڪ اڪائونٽس ڪيس جي ٻڌڻي دوران چيو آهي ته اربين رپين جا کانچا آهن، معاف نه ڪنداسين، لڳي ٿو ته اومني گروپ وارن جي مڳي ختم ناهي ٿي، اربين رپيا کائي ويا پوءِ به بدمعاشي ڪري رهيا آهن.
سپريم ڪورٽ لاهور رجسٽري ۾ چيف جسٽس ميان ثاقب نثار جي سربراهي ۾ 2 رڪني بينچ جعلي بينڪ اڪائونٽس ڪيس جي ٻڌڻي ڪري رهي آهي، چيف جسٽس، آصف زرداري جي وڪيل فاروق ايڇ نائيڪ سان مخاطب ٿيندي چيو ته اربين رپين جا کانچا آهن، معاف نه ڪنداسين.
چيف جسٽس، وڪيل فاروق ايڇ نائيڪ کي چيو ته اوهان وڪيل آهيو، اوهان فيس ورتي آهي، اوهان کي ٻڌنداسين پر فيصلو اسان کي ڪرڻو آهي.