ڪنڌڪوٽ پوليس وٽ پيش ٿيندڙ ڏوهاري مقابلي ۾ گرفتار ڪرڻ جي دعويٰ

ڪنڌڪوٽ(رپورٽ: احمد علي مغل) ڪنڌڪوٽ بي سيڪشن پوليس پاڻ پيش ٿيل گرفتاري ڏيندڙ ڏوھاري کي لوھي پل واري علائقي ۾ مقابلو ڄاڻائي گرفتاري ظاھر ڪري ڇڏي. انھي حوالي سان ذريعن مان مليل ڄاڻ موجب مختلف ڪيسن ۾ جوابدار غلام حيدر بنگوار پاڻ پوليس وٽ پيش ٿي گرفتاري ڏني جنھن کي پوليس پنھنجي ڪارڪردگي ڏيکارڻ لاءِ لوھي پل واري علائقي ۾ مبينا مقابلو ڏيکاري گرفتاري ظاھر ڪئي انھي سلسلي ۾ ايس ايڇ او ٻڌايو تہ اسين معمول موجب گشت تي وڃي رھيا ھئاسين تہ ڏوھاري پوليس کي ڏسي ڀڄڻ لڳو جنھن جو پوليس پيڇو ڪري مقابلي بعد ٽي ٽي پسٽل سميت گرفتار ڪري ورتو آھي.