پهريون فيصلو آهي، جيڪو بند ڪمري ۾ ٻڌايو ويو: شاهد خاقان

اسلام آباد ( م ڊ ) اڳوڻي وزير اعظم شاهد خاقان عباسي چيو آهي ته پهريون فيصلو آهي، جيڪو بند ڪمري ۾ ٻڌايو ويو، عدالتن جو احترام آهي پر فيصلا عوام ۽ تاريخ قبول نه ٿي ڪري، ٻنهي ڪيسن ۾ نوازشريف کي بري ڪرڻ گهرجي ها. اسلام آباد جي احتساب عدالت جي فيصلي بعد ردعمل ظاهر ڪندي شاهد خاقان عباسي چيو ته اسان سمجهيون ٿا ته نوازشريف کي ٻئي ڪيس ۾ به بري ڪرڻ گهرجي ها، ڇاڪاڻ ته العزيزيه ڪيس ۾ نه ڪي ثبوت آهن ۽ نه ئي شاهد آهن. شاهد خاقان عباسي چيو ته هي پهريون فيصلو آهي، جيڪو بند ڪمري ۾ ٻڌايو ويو، اڄ هٿ ٺوڪي جمهوريت آهي، ٻنهي ڪيسن ۾ ڪرپشن ثابت ناهي ٿي، عدالتن جو احترام آهي پر فيصلا قوم ۽ تاريخ قبول نه ٿي ڪري هن چيو ته احتساب عدالت جي فيصلي تي تمام گهڻا شڪ پيدا ٿين ٿا، پر اپيل اسان جو حق آهي، اسان سدائين عدالتن جو رستو اختيار ڪيو آهي.