خانواهڻ ۾ ناليون اٿلي پيون، گندو پاڻي گھرن ۾ داخل

خانواهڻ(رپورٽر) خانواهڻ شهر ۾ گٽرن جي گندي پاڻي جون ناليون اٿلي پيون آهن، جنهن سبب شھر جو مک پاڙو لوچي محلا سخت متاثر ٿيو آهي. جڏهن ته غريب ماڻهن جا اجها ڪري پيا آهن ۽ پاڻي غازي غلام شاھ جي قبرستان ۽ مسجد ۾ به ڪاهي پيو آهي. گندو پاڻي بيهڻ سبب مسجد ۾ نماز پڙھڻ لاء ايندڙن کي سخت تڪليفن کي منهن ڏسڻو پوي ٿو۔ غازي غلام شاھ مسجد ۾ ھنڌان هنڌان ڏار پئجي ويا ڪنهن به وقت وڏي حادثي جو خدشو رهي ٿو۔ قبرستان جون ديوارون به ڪري پيون قبرون به ميسارجڻ لڳيون۔ آس پاس 10 گهرن ۾ به گندو پاڻي داخل ٿي ويو۔ ان سخت تڪليفن باوجود انتظاميه اگهور ننڊ ستل آهي. جڏهن ته يوسي انتظاميا به ڪو اپاء نه ورتو آهي. شھرين پاران مطالبو ڪيو ويو آهي ته ڊي سي ۽ ڊسٽرڪٽ چيئرمين نوٽيس وٺي شهر مان صفائي ڪرائين.