ڪوٽڙي ۾ دوستن مذاق ۾ دوست مٿان پيٽرول ھاري باهه ڏئي ڇڏي

ڪوٽڙي(ن پ ا)ڪوٽڙي جي راسوا موري ڀرسان فرمان عباسي کي مبينا طور باھ لڳي وئي ،جنهن کي ڪوٽڙي جي بلاول ميڊيڪل اسپتال منتقل ڪيو ويو،ڊاڪٽرن موجب فرمان عباسي جو جسم 40 سيڪڙو متاثر ٿيو آھي کيس بنيادي امداد ڏئي حيدرآباد جي سول اسپتال جي برنس وارڊ ۾ منتقل ڪيو ويو،فرمان عباسي جي حالت ڳڻتي جوڳي ٿي وئي،فرمان عباسي موجب منهنجو راسواموري ڀرسان موٽر سائيڪل جي اسپيئر پارٽس جو دڪان آھي، جتي دوستن سان گڏ ويٺو هوس ته دوست عاطف آرائين پئٽرول دڪان ۾ اڇلايو ته ٻئي دوست حاجي عمراڻي مذاق ۾ چيو ته لائيٽر ٻاريان،ايتري ۾ هن مذاق ۾ لائيٽر ٻاريو ته مون کي باھ وڪوڙي وئي منهنجي جسم سڙي ويو آھي.