سيتاروڊ: آبادگارن جو پاڻي کوٽ خلاف سڪل شاخ ۾ بيهي احتجاج

سيتاروڊ(ن پ ا) جوهي برانچ ۽ بيگو ديرو شاخ جي آبادگارن پاڻي جي کوٽ خلاف سڪل شاخ ۾ بيهي احتجاجي مظاهرو ڪرڻ بعد ڌرڻو هنيو.
آبادگارن يعقوب کوسو، عبدالهادي کونهارو، مظھر علي چانڊيو، مشھور ميمڻ، سليمان سومرو ۽ ٻين جي اڳواڻي ۾ آبادگارن جوهي برانچ جي سڪل پيٽ ۾ بيهي مظاهرو ڪيو ويو، جنهن بعد سيتاروڊ جي مختلف رستن تان مارچ ڪندي هڪ آفيس جي سامهون ڌرڻو هنيو.
آبادگار اڳواڻن چيو ته جوهي برانچ ۽ بيگو ديرو شاخ ۾ پاڻي جي کوٽ خلاف گذريل هڪ سال کان دانهي رهيا آھيون پر ڪير به دانهن ورنائڻ وارو ڪو ناهي، پاڻي نه هجڻ سبب اسان جون زمينون سڪي ٺوٺ ٿي ويون آهن ۽ اسان جا ٻچڙا بکون ڪاٽڻ تي مجبور آهن.
آبادگارن چتاءُ ڏنو ته پاڻي کوٽ جو نوٽيس وٺي پاڻي جي فراهمي يقيني نه بڻائي وئي ته احتجاجي تحريڪ جاري رکي ويندي