نواز دور ۾ ٿيل گيس چوري جا 65 ارب عوام کان اوڳاڙڻ جو فيصلو

اسلام آباد (رپورٽر) عوام لاءِ نئون عذاب، حڪومت گذريل دور ۾ ٿيل گيس چوري مد ۾ 65 ارب صارفين کان اوڳاڙڻ جو فيصلو ڪري ڇڏيو، تحريڪ انصاف جي حڪومت ۾ مسلم ن جي حڪومت جي گذريل پنج سالن دوران ٿيل گيس چوري جي مد م 65 ارب روپيا گيس صارفين کان وصول ڪرڻ جو فيصلو ڪيو ويو آھي، اوگرا سئي نادرن ڪمپني جي درخواست تي 2013 کان گذريل پنج سالن دوران ٿيل گيس چوري جي مد ۾صارفين کان 65 ارب روپيا وصول ڪرڻ جي منظوري ڏئي ڇڏي آھي، اها رقم صارفين کان مرحلي وار بلن ذريعي وصول ڪئي ويندي، سئي نادرن جي صارفين کان چوري ٿيندڙ گيس جي مد ۾ اڳ ئي ساڍا چار سيڪڙو وصولي ٿي رهي آھي، جنهن شرح ۾ واڌ ڪري 7.1 سيڪڙو ڪئي وئي آھي.