چرس وٺو، کاڌو ڏيو، فلوريڊا ۾ نوجوان چرس ذريعي بل ڏيندي گرفتار ٿي پيو

فلوريڊا (م ڊ) آمريڪا ۾ 23 سالن جو نوجوان بک سبب پاهه ٿيڻ کانپوءِ هڪ ميڪڊونلڊ ريسٽورنٽ تي ويو ۽ چرس جي ٿيلهي جي بدلي ۾ کاڌي جي طلب ڪيائين پر ابتو کيس پوليس کان گرفتار ڪرايو ويو. آمريڪي رياست فلوريڊا ۾ نوجوان انٿوني اينڊريو ميڪڊونلڊ ۾ آرڊر ڏنو، کاڌو کائڻ کانپوءِ جڏهن کيس بل گهريو ويو ته هن پيسا نه هئڻ تي چرس جو ٿيلهو ڏيڻ جي پيشڪش ڪئي. هوٽل مالڪ پوليس سان رابطو ڪري کيس گرفتار ڪرائي ورتو. پوليس جو چوڻ آهي ته ان کان اڳ به گرفتار ڪيل چرس ذريعي سامان وٺڻ جي ڪوشش ڪئي هئي، جڏهن ته ان حوالي سان وڌيڪ جاچ ڪئي پئي وڃي.