ڏهرڪي ۾ پوليس تشدد ۾ مارجي ويل پورهيت جي وارثن کي انصاف نه مليو

ڏھرڪي(ن پ ا) ڏهرڪي ۾ ڏيڍ سال اڳ پوليس جي مبينا تشدد ۾ مارجي ويل پورهيت جي وارثن کي انصاف نه مليو، جڏهن ته پوليس عملدارن متاثر ڌر جي ماڻهن کي کڀني راضي نامي تي صحيحون ڪرائي سنڌ هاءِ ڪورٽ ۾ جمع ڪرائي ڇڏيو. مقتول عبدالرزاق لاڙڪ جي ڀائرن گلزار لاڙڪ ۽ ٻين پريس ڪلب پهچي پوليس خلاف عملدارن دانهيو. ان موقعي تي متاثرن دانهيو ته پوليس عملدارن رزاق کي تشدد ڪري قتل ڪيو، راڄوڻي ذريعي 58 لک رپيا ڏنا، جيڪي اسان واپس ڪيا آهن.هنن الزام مڙهيو ته ڏهرڪي ٿاڻي جو اڳوڻو ايس ايڇ او سيف الله ٻگهيو ۽ وڏو منشي رياض سيلرو راضي نامي تي صحيحون ڪرائي رپورٽ سنڌ هاءِ ڪورٽ سکر سرڪٽ بينچ جي رجسٽرار وٽ جمع ڪرائي آهي. متاثرن وس وارن کان مطالبو ڪيو ته پورهيت جي قتل ڪيس ۾ ملوث جوابدارن خلاف ڪارروائي ڪري انصاف فراهم ڪيو وڃي.