نواز شريف جيل ۾ قران مجيد، ديني ۽ ادبي ڪتاب گهرائي ورتا

لاهور ( م ڊ ) ڪوٽ لکپت جيل ۾ ڊاڪٽرن جي خاص ٽيم اڳوڻي وزيراعظم نواز شريف جي طبي چڪاس ڪئي ۽ سندس طبعيت کي بهتر قرار ڏنو. لاهور جي ڪوٽ لکپت جيل ۾ سروسز اسپتال جي ڊاڪٽرن جي خاص ٽيم 45 منٽن تائين اڳوڻي وزيراعظم نواز شريف جي طبي چڪاس ڪئي. ڊاڪٽرن جي ٽيم سندس صحت بابت تفصيل معلوم ڪيا ۽ بلڊ پريشر نارمل قرار ڏنو. اڳوڻي وزيراعظم کي رات دير سان گهران آندل دوائون پهچايون ويون، کيس نيري رنگ شلوار قميص پهريل هئي ۽ صبح سوير اخبارون جو مطالعو پڻ ڪيو جيل سپرٽنڊنٽ ۽ ڊپٽي سپرنٽنڊنٽ دوري دوران نواز شريف سان ملاقات ڪئي. جيل اختيارين طرفان خميس جو ڏينهن نواز شريف جي ملاقات لاءِ مقرر ڪيو ويو آهي، دوستن، مٽن مائيٽن ۽ پارٽي اڳواڻن سان ملاقات جي فهرست اڳواٽ کي نواز شريف کي موڪلي وئي آهي، کيس جن سان ملڻو هوندو انهن نالن بابت اڳواٽ آگاهه ڪندو. ميان نواز شريف کي جيل ۾ 4470 قيدي نمبر ڏنو ويو آهي، نواز شريف جيستائين جيل ۾ رهندو اهو سندس سڃاڻپ جو نمبر هوندو.