نيوزيلينڊ پاران سريلنڪا خلاف ون سيريز لاءِ ٽيم جو اعلان

ويلنگٽن (اسپورٽس ڊيسڪ) نيوزيلينڊ پاران سريلنڪا خلاف ون ڊي سيريز لاءِ ٽيم جو اعلان ڪري ڇڏيو آهي. مارٽن گپٽل جي وڏي عرصي کانپوءِ عالمي ڪرڪيٽ ۾ واپسي ٿي آهي. ٽن ون ڊي ميچن جي سيريز لاءِ ڪيويز پاران پاڪستان خلاف ڊراپ ڪيل جيمز نيشم ۽ ڊوگ بريسويل کي پڻ شامل ڪيو ويو آهي. ٽيم ۾ ڪين وليمسن (ڪپتان) ٽرينٽ بولٽ، ڊوگ بريسويل، جيمز نيشم، مارٽن گپٽل، ميٽ هينري، لوڪي فرگوسن، هينري نڪولس، ڪولن منرو، ٽم اسٽافئر، اش سوڍي، ٽم سائوٿي ۽ روس ٽيلر شامل آهن. نيوزيلينڊ ايندڙ سال ورلڊ ڪپ کان اڳ 11 ون ڊي ميچن، سريلنڪا، ڀارت ۽ بنگلاديش خلاف کيڏندي جنهن کي نظر ۾ رکندي ٽيم جي چونڊ ڪئي وئي آهي.