سوئيڊن ۾ برف سان ٺهيل هوٽل عام ماڻهن لاءِ کوليو ويو

اسٽاڪ هوم (دلچسپ نيوز) سوئيڊن ۾ مڪمل طور برف سان ٺهيل هوٽل عام ماڻهن لاءِ کوليو ويو. لڳاتار 28هين سال کلندڙ سوئيڊن آئس هوٽل دنيا ۾ پنهنجي نوعيت جو پهريون برفاني هوٽل آهي. جنهن کي هر سال نومبر جي مهيني ۾ ڊيزائن ڪرڻ شروع ڪيو ويندو آهي، جيڪو 8 هفتن ۾ مڪمل ٿيندو آهي. ان هوٽل ۾ 65 ڪمرا آهن.
، جتي ڪرسيون، بسترا، دروازا، ڀتيون ۽ ٿانوَ به برف سان ئي تيار ڪيا ويندا آهن. هن سال ان هوٽل ۾ ڪمري جي ڊيزائننگ ۽ آرٽ سوئيٽس جي تياري لاءِ سڄي دنيا مان 42 فنڪارن کي چونڊيو ويو، جڏهن ته لڳ ڀڳ 100 ماڻهن ان هوٽل جي اڏاوتي ڪم ۾ حصو ورتو.