دادو جو واپاري گم ٿيو يا کيس کنڀيو ويو؟ معاملو ڳجهارت، وارث سراپا احتجاج

دادو(ن پ ا) ميهڙ جي بي سيڪشن ٿاڻي جي حد مان 5 ڏينهن اڳ پوليس اهلڪارن هٿان مبينا کنڀي گم ڪيل واپاري جو معاملو ڳجهارت بڻيل آهي، جڏهن ته مل ملڪ روشن شيخ ميهڙ جي اي سيشڪن ۽ حيدرآباد جي ڀٽائي ننگر ٿاڻي تي 50 لک رپين جي فراڊ جا ڪيس داخل ڪرائي ڇڏيا آهن. مل مالڪ روشن شيخ ڪيس ۾ ڄاڻايو آهي ته ضمير ڏيرو 50 لک رپين جو ڀاڻ ورتو، پر سندس چيڪ پاس ناهن ٿيا. هوڏانهن واپاري جي ڀاءُ مولابخش “پنهنجي اخبار” کي ٻڌايو ته پوليس اسان مٿان ئي ڀاءُ کي گم ڪرڻ جو الزام لڳائي معاملو لئه مٽي ڪرڻ جي ڪوشش ڪري رهي آهي، جيڪو ظلم آهي. ٻئي پاسي پوليس ٻڌايو ته مامرو ڏيتي ليتي جو لڳي رهيو آهي، واپاري اغوا ٿيو آهي يا کيس ڪنهن کنڀيو آهي، ان حوالي سان گهڻ رخي جاچ ڪئي پئي وڃي.