پي ايس ايل فرنچائزز جو ٽيڪس ڇوٽ لاءِ عدالت وڃڻ جو امڪان

لاھور (اسپورٽس ڊيسڪ) پي ايس ايل فرنچائزز طرفان ٽيڪس ۾ ڇوٽ لاءِ ايندڙ هفتي عدالت وڃڻ جو امڪان آهي، سومر تي قطعي فيصلو ٿيندو. ميڊيا رپورٽن موجب پي ايس ايل جي گذريل ٽنهي ايڊيشنز ۾ لاڳت کان وڌيڪ خرچ اچڻ تي پريشان فرنچائزز مالڪ انتظار ۾ آهن ته حڪومت سندن درخواست تي همدردي طور غور ڪندي ٽيڪس ڇوٽ ڏيڻ جو فيصلو ڪندي. هڪ فرنچائز ذريعن موجب ڀارت ۾ آءِ پي ايل فرنچائزز کي 10 سالن تائين ٽيڪس ڇوٽ ڏني وئي هئي. پي ايس ايل کي به سهولت ڏني وڃي ته مالي مسئلا گهٽجي ويندا، اميد آهي ته پنجاب جو وڏو وزير عثمان بزدار ۽ ناڻي واري وفاقي وزير اسد عمر طرفان هاڪاري جواب ملندو. ذريعن موجب ٻي صورت ۾ عدالت وڃي فرنچائزز پنهنجو موقف پيش ڪنديون. ان سلسلي ۾ اڳڀرائي لاءِ فرنچائزز حڪمت عملي جوڙي ورتي آهي، جنهن تي سڀاڻي کان غور ويچار ڪيو ويندو.