2008ع ۾ قائم لائبريري 10 لک ساليانو بجيٽ باوجود ترقي نه ماڻي

خيرپور: ڳوٺ سوهو ڪناسره ۾ ثقافت کاتي پاران سال 2008ع ۾ عطا محمد حامي جي نالي سان لائبريري ته قائم ڪئي وئي ۽ هر سال لائبريري کي 10 لک 30 هزار گرانٽ به ملندي رهي آهي. اُن باوجود انتظامي بي ڌياني سبب لابريري جي ڪتابن ۾ ڌوڙ ۽ اڏوهي چڙهي وئي آهي. ڇاڪاڻ جو عطا محمد حامي سياست ۾ به گهڻي دلچسپي رکندو هو، تنهن ڪري 1951ع ۾ خيرپور رياست جي ليجسليٽو اسيمبلي جي ميمبرشپ لاءِ چونڊ وڙهي ۽ ڪامياب ٿيڻ کانپوءِ خيرپور جي ليجسليٽو اسيمبلي ۾ اپوزيشن ليڊر جو ڪردار ادا ڪندي عوام لاءِ ڀرپور آواز اٿاريندو رهيو. عطا محمد حامي ايوب خان جي آمريت دوران فاطمه جناح جي حمايت ۾ به ڀرپور چونڊ مهم هلائي. اڳوڻي وزيراعظم شهيد ذوالفقار علي ڀٽو پاڪستان پيپلز پارٽي قائم ڪئي ته عطا محمد اُڻ ۾ شموليت اختيار ڪئي ۽ ساهه جي آخري گهڙين تائين پيپلز پارٽي سان سلهاڙيل رهيو.