چڙ ڏياريندڙ تقريرن جا 2 ڪيس اي ڪلاس ڪرڻ جو حڪم

ڪراچي( رپورٽر) ڪراچي پوليس چڙڏياريندڙ تقرير ۾ سهولتڪاري جي ٽن ڪيسن مان 2 ڪيس اَي ڪلاس ڪرڻ جي سفارش ڪري ڇڏي، پوليس جو چوڻ آهي ته ٻنهي ڪيسن جا فريادي پنهنجي ڏنل ايڊريس تي موجود ناهن، عدالت فريادين کي ڳولي پيش ڪرڻ جو حڪم ڏئي ڇڏيو.
ڪراچي جي دهشتگردي ٽوڙ عدالت ۾ ايم ڪيو ايم باني جي چڙڏياريندڙ تقرير ۾ سهولتڪاري بابت ٽن ڪيسن جي ٻڌڻي ٿي، جنهن دوران ايم ڪيو ايم اڳواڻ فاروق ستار، خواجا اظهار الحسن، رئوف صديقي ۽ ٻيا جوابدار پيش ٿيا.
پوليس ٽن مان ٻن ڪيسن کي اي ڪلاس ڪرڻ لاءِ ٻيهر رپورٽ پيش ڪري ڇڏي، جنهن ۾ پوليس ڄاڻايو آهي ته ٻنهي ڪيسن جا فريادي پنهنجي ڏنل ايڊريس تي موجود نه آهن، تنهنڪري جوابدارن خلاف 2 ڪيس اي ڪلاس ڪيا وڃن.