ڀٽ شاهه (ن پ ا) سنڌ جي مهان قومي شيخ اياز جي 21 هين ورسي تي کيس زبردست ڀيٽا پيش ڪئي وئي، جڏهن ته سندس آخري آرامگاهه تي گل نڇاور ڪري خاص دعائون به گهريون ويون. ڀٽ شاهه ۾ يادگار ڪاميٽي طرفان شيخ اياز جي 21هين ورسي ملهائي وئي. تقريب ۾ ڊپٽي ڊائريڪٽر شير محمد مهر، تاج جويو، گاگن داس، دانش جتوئي، محسن جويو، نور سنڌي، نسرين الطاف ۽ ٻيا شريڪ ٿيا. شاعرن، اديبن، دانشورن، صحافين سوڌو مختلف سياسي ۽ سماجي تنظيمن سان واڳيل ماڻهن شيخ اياز جي آخري آرامگاهه تي گلن جون چادرون چاڙهي کيس لفظي ڀيٽا پيش ڪئي. ان موقعي تي تقريب ۾ شامل تاج جويو ۽ ٻين چيو ته شيخ اياز جي قومي شاعري سبب نوجوانن ۾ اُتساءَ آيو.

شاهپور چاڪر(ن پ ا) شاهپور چاڪر ويجهو ٽرڪ جي ٽڪر ۾ موٽر سائيڪل سوار زخمي ٿي پيو. مين روڊ تي ٽرڪ جو موٽر سائيڪل سان ٽڪر ٿي پيو. حادثي ۾ موٽر سائيڪل سوار 16 سالن جو محمد نواز سنجراڻي زخمي ٿي پيو. مقامي ماڻهن زخمي نوجوان کي نوابشاهه اسپتال منتقل ڪيو، جتي سندس حالت ڳڻتي جوڳي ٻڌائي پئي وئي.

ڀٽ شاهه )ن پ ا)ڀٽ شاهه ڀرسان ڳوٺ سليم راهو ۾ بجلي تار مان ڪرنٽ لڳڻ ڪري 16 ورهيه نوجوان فوت ٿي ويو ،ڳوٺ سليم راهو ۾ پاڻي جي موٽر مان ڪرنٽ لڳڻ ڪري 16 ورهين جو رميش ولد پهلاج مينگهواڙ زخمي ٿي پيو، جيڪو اسپتال نيندي رستي ۾ فوت ٿي ويو، وارثن موجب فوتي ٿيل نوجوان پاڻي جي موٽر سان موٽر سائيڪل کي ڌوئي رهيو هو تـه کيس تار مان ڪرنٽ لڳو، جنهن کي بروقت اسپتال پهچائڻ جي ڪوشش ڪئي مگر هو رستي ۾ فوت ٿي ويو ـ واقعي تي گهر ۾ روڄ راڙو مچي ويو ۽ وارث زاروقطار روئيندا رهيا.

سانگهڙ(ن پ ا) سانگهڙ ويجهو ڪار جو گڏهه گاڏي سان ٽڪر ٿيڻ جي نتيجي ۾ عورت سميت 5ڄڻا زخمي ٿي پيا، جن کي اسپتال منتقل ڪيو ويو. راوتياڻي آئل فيلڊ وٽ ڪار جو گڏهه گاڏي سان ٽڪر ٿي پيو. حادثي جي نتيجي ۾ پيرسن جنت شيخ، 10 سالن جي سردار خاتون، دلبر، شير علي ۽ امجد زخمي ٿي پيا، جن کي اسپتال منتقل ڪيو ويو. حادثي جو شڪار رهواسي اسپتال مان علاج ڪرائي واپس وڃي رهيا هئا ته حادثي ۾ زخمي ٿي پيا، کين سانگهڙ جي سول اسپتال منتقل ڪيو ويو آهي.

سانگهڙ(ن پ ا)راوتياڻي وٽ ٻن موٽر سائيڪلن جو پاڻ ۾ ٽڪر ٿي پيو جنهن جي نتيجي ۾ هڪ ڄڻو حسين بخش سنجراڻي فوت ٿي ويو آهي ۽ ٽي ڄڻا زخمي ٿي پيا جن ۾ شهمير ڀٽي، ارشاد ڀٽي ۽ گل مير پٺاڻ شامل آهن. جڏهن ته گل مير پٺاڻ جي حالت تمام خراب ٻڌائي پئي وڃي، زخمين جو تعلق شاهپور چاڪر ٻڌايو آهي جيڪي سانگھڙ سول اسپتال ۾ آهن.

گرهوڙ شريف (ن پ ا ) شھيدعبدالرحيم گرهوڙي جي درگاه جي حوالي سان مشھور سنڌڙي تعلقي جو شھر گرھوڙ شريف بنيادي سھوليتن کان وانجھيل. 15 هزار جي آبادي جو شهر گرهوڙ شريف بنيادي مسئلن جي ور چڙھيل. سهولتن کان محروم درگاه گرهوڙشريف جي مزار تي ڪوبه ترقياتي ڪم نه ٿي سگهيو. سانگهڙ ميرپورخاص جي قومي توڙي صوبائي سيٽن تي چونڊ وڙھندڙ اميدوار درگاه گرهوڙ شريف تي حاضري ڀرڻ کان پوء پنھنجي چونڊ مھم شروع ڪندا آھن پر اليڪشن ۾ ڪاميابي کان پوء ھن درگاه توڙي شھر تي ڪوبه توجھھ ڏيڻ لاء تيار نه آھي جنهن ڪري هي تاريخي شھر هن وقت کنڊرات وارو ڏيک ڏي ٿو. هن شھر ۾ گذريل 10 سالن کان ڪوبه ترقياتي ڪم نه ٿي سگهيو چونڊيل نمائندن عوام سان وعدا ڪيا جيڪي پڻ وفا نه ٿي سگهيا. درگاه گرهوڙ شريف تي هر نئين چنڊ جي پهرين سومر تي سائو سومر جي ڏينهن ميلو پڻ لڳندو آھي جتي هزارين زائرين مرد، عورتون ۽ معصوم ٻار درگاه تي حاضري ڀرڻ لاء پنجاب، بلوچستان سميت ٻين صوبن کان حاضري ڀرڻ ايندا آھن پر درگاه جو مسافرخانو توڙي پيئڻ جي پاڻي جي حوالي سان انھن کي وڏي مشڪلات کي منهن ڏيڻو ٿو پوي.

ڀٽ شاهه (رپورٽ: راجا بوزدار) ـ سنڌ جي مهان ڪوي شاعر جي 21 وين ورسي 28 ڊسمبر تي ڀٽ شاهه ۾ ملهائي ويندي ـ شيخ اياز يادگار ڪميٽي پاران ثقافت کاتي ۽ سنڌ صحافي سنگت جي سهڪار سان ورسي کي شاندار نموني سان ملهائڻ جو فيصلو ڪيو آهي، ورسي جي موقعي تي نالي وارا اديب ـ دانشور ـ شاعر ـ صحافي ـ سياسي سماجي اڳواڻ ـ ثقافت کاتي جا عملدار ڀٽ شاهه ۾ ڪراڙ جي ڪپ تي شيخ اياز جي آخري آرامگاهه تي پهچي گلن جون چادرون چاڙهي شيخ اياز کي ڀيٽا پيش ڪندا ـ ثقافت کاتي طرفان ڊپٽي ڊائريڪٽر شير محمد مهر جي اڳواڻي ۾ وفد شيخ اياز جي مزار تي گلن جي چادر سان ڀيٽا پيش ڪندا ـ ان سلسلي ۾ شيخ اياز يادگار ڪميٽي جي چيئرمين ديوان گاگن داس صحافين سان ڳالهائيندي چيو تـ هن دفعي شيخ اياز جي ورسي کي شاندار نموني سان ملهائڻ جو فيصلو ٿيو آهي ـ مزار تي گلن جي چادر چاڙهڻ بعد راڳ رنگ جي محفل پڻ منعقد ڪئي ويندي ـ جنهن ۾ مقامي فنڪار ڀٽائي ۽ شيخ اياز جي شاعر سان فن جو مظاهرو ڪندا ۽ لنگر نياز پڻ تقسيم ڪيو ويندو.

ٽنڊوآدم ( ن پ ا ) ٽنڊوآدم لڳ چنگچي رڪشه ڪلٽي 8 سالا ٻارڙي فوت ،5 عورتن سميت 7 ڄڻا زخمي اسپتال داخل رپوٽ موجب ٽنڊوآدم لڳ ڳوٺ احمد ٻرڙا ويجهو تيز رفتار چنگچي رڪشا بريڪ فيل ٿيڻ سبب ڪلٽي ٿي پئي جنهن جي نتيجي ۾ باگڙي خاندان جي 8 سالا ٻارڙي ديوي ڀارتي ڌيءَ ڪنيها ٿڏي تي فوت ٿي ويئي جڏهن ته 5 عورتون لڇمي زال لڇمڻ، لونگي زال ڀڳوان ، جوڳي ڌيءَ لڇمڻ ، سعيده ڌيءَ لڇمڻ، جيوڻي زال ڀيرو سميت ڪرشن ۽ ڀيرو زخمي ٿي پيا جن کي تعلقه اسپتال داخل ڪيو ويو آهي ٽنڊوآدم سٽي ۽ بي سيڪشن پوليس حادثي کان بي خبر رهيا ٻڌايو پيو وڃي ته حادثي جو شڪار باگڙي خاندان شادي جي تقريب ۾ شرڪت لاءِ شهدادپور وڃي رهيو هو ته حادثو پيش آيو

کپرو(ن پ ا)کپرو پوليس جو سول اسپتال ڀر سان مينهن جي واڙي تي ڇاپو چار موٽر سائيڪلون ۽ 6 گاڏين جون نمبر پليٽون هٿ ڪري اويس قائم خاني کي گرفتار ڪيو ويو،گرفتار جوابدار جي نشاندهي تي واحد رند، اسحاق رند ۽ ماجد جٽ کي حراست ۾ وٺي حارث قائمخاني جي فرياد تي 5 جوابدارن تي ڪيس ڪري ورتو آھي ،ايس ايڇ او رابطو ڪرڻ تي ٻڌايو ته کپرو مان موٽرسائيڪل جي چورين جي وارداتن جي وڌڻ تي تفتش ڪئي ٿه ڄاڻ ملي ته هڪ گروه اوچتو سرگرم ٿي ويو آھي.خفيه ڄاڻ تي سول اسپتال ڀر سان قائم مينهن جي واڙي تي ڇاپو هنيو جنهن دورانهن چار موٽر سائين ۽ 6 کان وڌيڪ گاڏين جا نمبرپليٽ هٿ آيا آھن جوبدارن تي ڪيس داخل ڪري وڌيڪ جاچ ڪري رهيا آهيو .

مقصودو رند (ن پ ا) مقصودورند لڳ ڳوٺ لنڊو ۾ باھھ لڳڻ سبب 2 گھر سڙي ويا. پورھيت سورجو ڀيل ۽ تاريو ڀيل جي ڪکاون گهرن کي چلهي مان چڻنگ اٿڻ ڪري باهھ وڪوڙي وئي، جنھن جي نتيجي ۾ ٻئي گھر سڙي ويا، گھر ڀاتين ۾ رڙيون پئجي ويون، باھ لڳڻ سبب گھرن ۾ پيل سمورو سامان سڙي رک ٿي ويو. ڳوٺاڻن پنھنجي مدد پاڻ تحت باھھ تي ضابطو آڻي وڌيڪ نقصان کان بچائي ورتو.

سانگھڙ( رپورٽر) پيپلزپارٽي جي اڳواڻ نويد ڏيرو چيو آهي ته وزيراعظم پاڪستان عمران خان نه ڪو قائد اعظم جي ڏنل سبقن مان سکيو آهي نه ئي قائد عوام جي ڏنل درس تي هلي رهيو آهي ان جو هڪ منشور آهي ته اپوزيشن کي ختم ڪيو وڃي. سانگھڙ ۾ قائد اعظم جي جنم ڏينهن جي حوالي سان تقريب کي خطاب ڪندي هن چيو ته عوامي ليڊر جي هڪ نشاني آهي ته هو ڪا ڳالهه ڪندو ته سئو ڀيرا سوچي ڳالهه ڪندو پاڪستان پيپلز پارٽي عوامي پارٽي آهي جيڪا قائد اعظم جي منشور تي هلي رهي آهي ان موقعي تي ڊپٽي ڪمشنر سانگھڙ نثار حمد ميمڻ جو چوڻ هو ته قائد اعظم محمد علي جناح جي ڪيل ملڪ لا۽ خدمتون اڻوسرندڙ آهن سندن ڪيل خدمت ي سبق سمجهي اسان ي مدد ڪرڻ گھرجي ملڪ ۽ قوم جي لا۽ عوام کي گڏجي قائد اعظم جي ڏنل سبق تي هلي ملڪ ۽ قوم جي خدمت ڪنداسين سانگھڙ ضلعي ۾ عوام جي خدمت ڪندو رهندس ضلعي چيئرمين خادم حسين رند جو چوڻ هو ته قائد اعظم جي زندگي بابت روشني وڌي . سالگرهه تقريب ۾ دپٽي ڪمشنر سانگھڙ نثار آحمد ميمڻ ، ڊسٽرڪٽ ايجوڪيشن آفيسر يار محمد بالادي.پي پي ٽڪٽ هولڊر معشوق چانڊيو،ڊسٽرڪٽ سانگھڙ جي نمائندن،۽ ليڊيزاڳواڻن۽ چيمبر آف ڪامرس ۽ شهرين وڏي انگ ۾ شرڪت ڪئي.