کپروڀرسان ڪنئال کي 50 فُٽ گهارو، پاڻي سوين ايڪڙن تي پوکيل فصل کي ٻوڙي ڇڏيو، علائقي واسي گهارو ٻڌڻ جي ڪوششن ۾ رُڌل
بااثر ماڻهو رڳو پنهنجي زمينن کي بچائڻ لاءِ پاڻي روڪي رهيا آهن، آبپاشي عملو به نه پهتو: رهواسي
کپرو (ن پ ا) کپرو ڀرسان کپرو ڪئنال کي آر ڊي 122 وٽان گهارو پئجي ويو جيڪو وڌي 50 فٽ تي پهچي ويو آهي گهاري سبب 200 کان وڌيڪ ايڪڙن تي مشتمل فصل ڪڻڪ توريو ۽ وڏف جو فصل پاڻي هيٺ اچي ويو آهي آبپاشي عملدارن پاران وقت سر نه پهچڻ سبب ڳوٺاڻا ۽ علائقي واسين پنهنجي مدد پاڻ تحت گهارو بند ڪرڻ جي ڪوشش ۾ رڌل آهن گهاري پوڻ جا ڪارڻ هيٺ بااثر کي پاڻي فل ڪري ڏيڻ ۽ کاڄڻي موري وٽان واهه جا دروازا هينڊاپ ڪرڻ سبب پاڻي جو دٻاء وڌڻ ڪري گهارو پئجي ويو وقت سر انتظاميان جو نه پهچڻ سبب پيل گهارو وڌي 50 فٽ تائين پهچي ويو آهي اڃان پاڻي وڌي رهيو آهي بااثر گهاري کي بند ڪرڻ بجاء پنهنجين زمينن تي بند ٻڌائي رهيا آهن جڏهن ته ڀنڀرا. درس. هنڱورجا. ۽ ٻين ڪيترن ئي برادرين جا گهر ۽ فصل پاڻي هيٺ اچي ويا آهن جڏهن ته آچار هنڱورجو. موسو درس. راڻو درس. عبدالعليم درس. عويس سميت ڪيترن ئي زميندارن جا پوکيل فصل پاڻي هيٺ اچي ويا آهن پر انتظاميان هن وقت تائين گهاري واري هنڌ تي ناهي پهتي جنهن ڪرص پاڻي جو وهڪرو اڃان تائين جاري آهي.
ٽنڊي آدم ۾ عورت زهر پي ڇڏيو، اسپتال داخل
ٽنڊوآدم ( ن پ ا ) ٽنڊوآدم لڳ عورت پاران زهر پي آپگهات ڪرڻ جي ڪوشش،ان ڏس ۾ ٽندوآدم لڳ ڳوٺ امام بخس ٿهيم ۾ پرڻيل عورت فريده گهرو مسئلن سبب زهر پي آپگهات ڪرڻ جي ڪوشش ڪئي جنهن کي تعلقي اسپتال داخل ڪيو ويو آهي .
گرھوڙشريف:ڪار ۽ موٽرسائيڪل وچ ۾ ٽڪر جي نتيجي ۾2ڄڻا زخمي
گرهوڙ شريف(ن.پ.ا)ڦلهڏيون ڀرسان تيز رفتارڪار جي موٽر سائيڪل سان ٽڪر ٿي وئي.حادثي جي نتيجي ۾ موٽر سائيڪل سوار راڻو ڪڇي ۽ پارو مل زخمي ٿي پيا.زخمين کي مقامي اسپتال منتقل ڪيو ويو
قرض اوڳاڙڻ جو نئون طريقو، ٽنڊي آدم ۾ بينڪ عملو بيواهه جي گھر ۾ ڪاهي پيو
ڪهيري پاڙي ۾ بينڪ عملو بيواهه عورت فرزانه ابڙو جي گھر ۾ داخل ٿي ويو، تشدد
مُور جا پيسا ڏئي چڪا آهيون، وياج لاءِ تنگ ڪيو پيو وڃي، انصاف ڪيو وڃي: متاثر عورت
ٽنڊوآدم (رپورٽ: محمد وارث قمبراڻي) ٽنڊوآدم جي ڪهيري پاڙي م قرض اوڳاڙڻ لاءِ خانگي بئنڪ جو عملو بيوهه عورت فرزانه ابڙو ۽ عابده ڪهيري جي گهر م داخل ٿي ويو ته عورتن ۽ ٻارڙن مزاحمت ڪئي ان دوران عملي جي ماڻهن پيرسن امام ڏنو ڪهيري کي مارڪٽ ڪري زخمي ڪري وڌو ۽ عورتن کي ڌڪا ڏنا ۽ گٿا لفظ ڳالهايا واقعي خلاف عورتن ۽ ٻارڙن پريس ڪلب پهچي احتجاج ڪندي دانهيو ته خانگي بئنڪ جا ملازم ذوالفقار، عارف ۽ 6 نامعلوم ماڻهو اسان جي گهرن م داخل ٿي مارڪٽ ڪئي هنن چيو ته اسان مور جا پئسه ڏيئي چڪا آهيون وياج جي پئسن لاءِ تنگ ڪيو پيو وڃي هنن اختيارين کان انصاف جي گهر ڪئي آهي .
ٽنڊي آدم ۾ ريل گاڏي مان ڪري نوجوان زخمي
ٽنڊوآدم ( نمائندو ) ٽنڊوآدم ريلوي اسٽيشن تي هلندڙ مال گاڏي ۾ چڙهڻ دوران 25 سالا بئنڪ ملازم محبت علي لاشاري پير سلپ ٿيڻ ڪري هيٺ ڪري زخمي ٿي پيو جنهن کي تعلقه اسپتال آڻڻ بعد حيدرآباد اسپتال نيو ويو .
ٽنڊي آدم ويجھو ٽرڪ جي ٽڪر ۾ نينگر فوت
ٽنڊوآدم ( نمائندو ) ٽنڊوآدم حيدرآباد روڊ تي ڳوٺ غازي خان ڪاتيار وٽ تيز رفتار ٽرڪ جي ٽڪر م 8 سالا ٻاررو شڪيل پٽ محمد شريف ڪاتيارٿڏي تي فوت ٿي ويو لاش تعلقه اسپتال آڻڻ بعد ضروري ڪارروائي بعد وارث لاش ڳوٺ غازي خان ڪاتيار کڻائي ويا ٻارڙي جو لاش گهر پهچڻ تي قهرام مچي ويو سٽي پوليس ٽرڪ ڊرائيور گلباز کي گرفتار ڪري ورتو آهي
پ پ حڪومت ڪرپشن کان سواءِ ڪجھه ناهي ڏنو: پير ياسر شاهه
ڄام نوازعلي (رپورٽ: امدادعلي بلوچ) پير پاڳاري جي پٽ پير ياسر علي شاه اڳوڻي وفاقي وزير۽ ڄام خاندان جي سربراه مرحوم ڄام معشوق علي جي وفات تي ڄام ذوالفقار علي خان سان تعزيت ڪئي آهي. ان موقعي تي سندس چوڻ هو ته سنڌ ۾ پ پ جي حڪومت کي ڪرپشن کان سواء ڪجه به ناهي ڏنو هاڻ پ پ جو گهيرو تنگ ٿي چڪو آهي. ميڊيا سان مختصر ڳالهائيندي پير ياسر چيو ته پ پ حڪومت ڏهن سالن ۾ سنڌ جي عوام کي لٽيو سنڌ جي صورت حال انتهائي خراب اهي سنڌ ۾ پيئڻ جو صاف پاڻي ٿر ۾ بي رحم موت اسپتالن جي حالت ڪنهن کان لڪيل ناهي اليڪيشن ۾ هڪ ڊيل تحت سنڌ حوالي ڪئي پ پ جو هاڻ گهيرو تنگ ٿي چڪو آهي هن چيو ته سنڌ ۾ پ پ قيادت جيڪا جلسا ڪري رهي آهي ان مان سنڌ جي عوام چڱي ريت وافق آهي مني لانڊرنگ ۽ اومني گروپ ڪندڙن جلد ڪوڙڪي ۾ فاسڻ وارا آهن ان موقعي تي ڄام نور علي خان پڻ موجود هو.
جهول پوليس ڌاڙيل اسد جوڻيجو کي هاف فراءِ ڪرڻ بعد گرفتار ڪري ورتو
گشتي پوليس سان مقابلي بعد 3 ڌاڙيل اوندهه جو فائدو وٺي فرار ٿيا: ايس پي سانگهڙ
زخمي ڌاڙيل ڦرلٽ سميت سنگين ڪاررواين جي 8 ڪيسن ۾ گهربل هو
سانگهڙ(رپورٽر) جهول پوليس مبينا مقابلي دوران هڪ ڌاڙيل کي زخمي حالت ۾ رپيٽر سميت گرفتار ڪرڻ جي دعويٰ ڪئي آهي، 3 فرار ٿي ويا.ايس ايس پي سانگهڙ ذيشان شفيق صديقي موجب نوان آباد بوبي روڊ تي رات دير سان گشتي پوليس تي هٿياربندن فائرنگ ڪئي، جنهن بعد مقابلو ٿيو، ايس ايس پي دعويٰ ڪئي ته مقابلي دوران فائرنگ جي ڏي وٺ ۾ گولي لڳڻ سبب هڪ ڌاڙيل زخمي اسد الله جوڻيجو ٿي پيو، جڏهن ته 3 ڌاڙيل اوندهه جو فائدو وٺي فرار ٿي ويا. ايس ايس پي چيو ته زخمي ڌاڙيل وٽان هڪ رپيٽر ۽ 7 ڪارتوس هٿ آيا، ڄنگهه ۾ گولي لڳڻ سبب زخمي ٿيل ڌاڙيل کي حراست ۾ وٺي سول اسپتال سانگهڙ منتقل ڪيو ويو ، فرار ٿي ويل ڌاڙيلن جي گرفتاري لاءِ ڇاپن جو سلسلو جاري آهي.ذيشان شفيق موجب گرفتار ڪيل ڌاڙيل ڦرلٽ ۽ ٻين سنگين ڪاررواين جي 8 ڪيسن ۾ پوليس کي گهربل هو، وڌيڪ جاچ ڪئي پئي وڃي.
شھدادپور: ھالا روڊ تي موٽرسائڪلن وڄ ۾ ٽڪر، 3 ٻارڙن سوڌو 4 ڄڻا زخمي
شھدادپور(رپورٽر) هالا روڊ تي باقر موري وٽ ٻن موٽر سائيڪلن ۾آمهون سامهون زوردار ٽڪر ٿي پيو، جنهن جي نتيجي ۾ موٽر سائيڪل سوار 3 معصوم ٻارڙا 10 ورهين جو رضا محمد، 8 سالن جو اشفاق ۽ 7 ورهين جو عبدالرحيم پٽ واحد بخش بروهي ۽ 28 ورهين جو قبول چنا زخمي ٿي پيا، جن کي روڊ تان گذرندڙ مسافرن پاران شهدادپور منتقل ڪيو ويو، جڏهن ته زخمي قبول چنا کي ڳڻتي جوڳي حالت ۾ اسپتال منتقل ڪيو ويو آهي.
جهول پوليس ڌاڙيل اسد جوڻيجو کي هاف فراءِ ڪرڻ بعد گرفتار ڪري ورتو، ٻيو فرار
گشتي پوليس سان مقابلي بعد 3 ڌاڙيل اوندهه جو فائدو وٺي فرار ٿي ويا: ايس ايس پي سانگهڙ
فرار ٿي ويل ڌاڙيلن جي ڳولا لاءِ ڇاپن جو سلسلو جاري آهي: ايس ايس پي ذيشان شفيق
سانگهڙ(رپورٽر) جهول پوليس مبينا مقابلي دوران هڪ ڌاڙيل کي زخمي حالت ۾ رپيٽر سميت گرفتار ڪرڻ جي دعويٰ ڪئي آهي، 3 فرار ٿي ويا.
ايس ايس پي سانگهڙ ذيشان شفيق صديقي موجب نوان آباد بوبي روڊ تي رات دير سان گشتي پوليس تي هٿياربندن فائرنگ ڪئي، جنهن بعد مقابلو ٿيو، ايس ايس پي دعويٰ ڪئي ته مقابلي دوران فائرنگ جي ڏي وٺ ۾ گولي لڳڻ سبب هڪ ڌاڙيل زخمي اسد الله جوڻيجو ٿي پيو، جڏهن ته 3 ڌاڙيل اوندهه جو فائدو وٺي فرار ٿي ويا.
ايس ايس پي چيو ته، زخمي ڌاڙيل وٽان هڪ رپيٽر ۽ 7 ڪارتوس هٿ آيا، ڄنگهه ۾ گولي لڳڻ سبب زخمي ٿيل ڌاڙيل کي حراست ۾ وٺي سول اسپتال سانگهڙ منتقل ڪيو ويو ، فرار ٿي ويل ڌاڙيلن جي گرفتاري لاءِ ڇاپن جو سلسلو جاري آهي.
ذيشان شفيق موجب گرفتار ڪيل ڌاڙيل ڦرلٽ ۽ ٻين سنگين ڪاررواين جي 8 ڪيسن ۾ پوليس کي گهربل هو، وڌيڪ جاچ ڪئي پئي وڃي.