ڇور ( ن پ ا) سنڌ سرڪار جي ترقي ۽ رٿابندي واري کاتي پاران ٻارڙن جي جبري پورھئي (چائلڊ ليبر) بابت سروي شروع ٿي وئي. عمرڪوٽ ضلعي جي 40 يونٽن ۾ سروي جي مدد سان اهو ڪاٿو لڳايو ويندو ته صوبي اندر ڪيترا ٻارڙا جبري پورھئي تي مجبور آھن. سروي جي ميپر علي حيدر جو چوڻ آھي ته اسان کي عمرڪوٽ ضلعي ۾ سروي لاءِ 40 يونٽ ڏنا ويا آهن. پهرين مرحلي ۾ ميپنگ ڪئي پئي وڃي، ٻئي مرحلي ۾ اسان جي ٽيم سروي ڪندي جنهن کانپوءِ ٻارڙن جي جبري پورھئي بابت انگ اکر ملي سگھندا. ميپر علي حيدر جو وڌيڪ چوڻ ھو تھ سروي مڪمل ڪرڻ بعد رپورٽ سنڌ سرڪار حوالي ڪئي ويندي.

ڇور (ن پ ا) ڇور لڳ ڪنڊي وڍڻ تان ٻن ڌرين ۾ جهيڙو ،ڪهاڙيون لڳڻ سبب علي خان ولي سگهو سمون زخمي ٿي پيو ان ڏس ۾ ڇور جي ڳوٺ مجنو چانهيون ۾ ڪنڊي وڍڻ تان سمان ۽ چانهيان برادري ۾ جهيڙو ٿي پيو، لٺيون ۽ ڪهاڙيون لڳڻ جي نتيجي ۾ سمون برادري جو علي خان ولد سگهو سمون شديد زخمي ٿي پيو، ٻي پاسي زخمي جي مائٽن پاران مظاهرو ڪيو ويو مظاهرين ٻڌايو ته اسان جي گهر جي گهٽي تي ڪنڊي وڍڻ جي منع ڪرڻ سان چانهيان برادري جي ماڻهن اسان تي ڪهاڙين جا سڌا وار ڪيا جنهن سبب اسان جو هڪ ڄڻو شديد زخمي ٿيو آهي،اطلاع تي پوليس بروقت پهتي جوابدار کي ٿاڻي تي وٺي وئي آهي .

سامارو ( رپورٽر )سامارو ڀرسان نامعلوم ماڻهن درگاهه جا تالا ٽوڙي ڇڏيا ،مريدن ۽ عقيدتمندن جو احتجاج،ان ڏس ۾ نامعلوم جوابدارن سامارو ڀرسان ڪنري روڊ جي مشهور درگاهه حضرت سيد بچل شاهه جا تالا ٽوڙي ڇڏيا آهن، واقعي جي اطلاع تي وڏي انگ ۾ مريد ۽ عقيدتمند گڏ ٿي ويا ۽ واقعي خلاف احتجاج ڪيو ،درگاهه جي خليفي صفدر جٽ،انور علي ڪپري ۽ ٻين چيو ته رات جوابدارن ڪريل حرڪت ڪري درگاهه جا تالا ٽوڙيا آهن جنهن جو سامارو پوليس کي اطلاع ڏنو ويو آهي ،ھنن چيو ته ڪجهه ڏينهن پھرين جوابدارن درگاهه جي چندي جي پيتي کي کڻي ويا هئا، جنهن جي به پوليس کي شڪايت ڏنل آهي ھنن جو چوڻ ھو ته پوليس ڪو به قدم کڻڻ لاءِ تيار نه آهي ھنن چيو ته جوابدارن کي گرفتار ڪري قانون جي جڪڙ ۾ آندو وڃي .

سامارو ( ن پ ا) سامارو ۾ وڏي ماکي جي حملي جي نتيجي ۾ عورتن ۽ ٻارڙن سميت 13 ڄڻا زخمي ٿي پيا، جن کي اسپتال منتقل ڪيو ويو. درگاهه سيد بچل شاهه وٽ ويٺل ماکي رهواسين تي حملو ڪيو، جنهن جي نتيجي ۾ عزيزان، سوناري، فيروزان، ٽيڪم، رجب، پريم روھت، پيارو سوڌو 13 ڄڻا زخمي ٿي پيا، جن کي اسپتال منتقل ڪيو ويو.

نيوڇور (رپورٽ: جگت ڏان چارڻ) عمرڪوٽ ضلعي جي قديمي ڳوٺ ۽ 4000 آبادي رکندڙ ڳوٺ سڻوهي پاڻي جهڙي نعمت کان محرو آهي جڏهن ته حڪومت سنڌ طرفان سال 2008 ۾ ڪروڙن جي لاڳت سان واٽر سپلائي اسڪيم اڃا تائين مڪمل نه ٿي سگهي آهي ڳوٺاڻا پيئڻ جي مٺي پاڻي لاءِ ڳوٺاڻن کي تمام گهڻين مشڪلاتن کي منهن ڏيڻو پوي ٿو واٽر سپلائي تلاءَ جي ڀرسان ديوين جو گهاٽو جهنگ ٿي ويو آهي ڳوٺاڻن جو چوڻ آهي ته حڪومت سنڌ طرفان اسان کي پيئڻ جي مٺي پاڻي لاءِ اسڪيم ته ڏني وئي پر اها ڪرپشن جي ور چڙهي وئي جيڪو اڃان تائين مڪمل ٿي نه سگهي آهي جڏهن ته هتي جسٽس طرفان دورو به ڪيو ويو جنهن جي نتيجي ۾ هتي صرف ڪجهه سولر جون پليٽون لڳائي جج صاحب توڙي ٻين آفيسرن کي خوش ڪري روانو ڪيو ويو پاڻي جي اسڪيم اڃان تائين مڪمل ٿي نه سگهي آهي هنن جو وڌيڪ چوڻ هو هن اسڪيم جي چوڌاري گهاٽين ديوين جو جهنگ ٿي ويو آهي پائيپ لائينون ته وڇايون ويون آهن پر ان ۾ اڃان تائين پاڻي اچي نه سگهيو آهي انهن احتجاج ڪندي جئه سنگهه ٺڪر، سوائي نائي، سروپ بجير، ارجڻ بجير، هڙمت سنگهه ٺڪر ۽ ٻين اپيل ڪئي آهي ته اسان کي هن جديد ٽيڪنالوجي جي دور ۾ پاڻي جهڙي نعمت سان آراستا ڪيو وڃي اسان جي ڳوٺ جي واٽر سپلائي اسڪيم کي جلد مڪمل ڪئي وڃي ته جئين اسان پيئڻ جو مٺو پاڻي آساني سان ملي سگهي.

سامارو (ن پ ا )ساماري ۾ عورت گھريلو اڻبڻت سبب زھريلي جيت مار دوا پي ڇڏي، اسپتال داخل، ان ڏس ۾ سامارو شھر جي رھواسڻ 35 ورهيه عورت شمع زال مصري کوسو گھريلو اڻبڻت سبب گھر ۾ زھريلي جيت مار دوا پي خودڪشي جي ڪوشش ڪئي،جنهن کي وارث سول اسپتال سامارو کڻائي آيا،جتي ڊيوٽي ڊاڪٽر موجب عورت جي حالت سڌرندڙ ٻڌائي پئي وڃي.

سامارو (رپورٽر) سامارو لڳ چوري جي ڪيس ۾ گهربل جوابدار کي ٽائون چيئرمين معرفت ٿاڻي تي پيش ڪرڻ بعد گم ٿي ويل نوجوان پورهيت همير دل جو ڪو ڏس پتو نه پئجي سگهيو آھي جڏھن ته پوليس اڃاتائين نوجوان کي پيش ڪرڻ واري مامري کان لاعملي ڏيکاري رهي آھي، پوليس خلاف ڳوٺاڻن وڏي انگ ۾ پريس ڪلب آڏو احتجاجي مظاھرو ڪري مين روڊ تي ڌرڻو ھڻي پوليس خلاف سخت نعريبازي ڪري نوجوان ھمير کي ظاھر ڪرڻ جي گھر ڪئي ڳوٺ رفيق قائمخاني ۾ سندس وارثن ماء ٻڍڙي مٺان . پئ اعثمان دل . ڀاء خسن محمد .الهرکيو . ۽ ٻين ميڊيا آڏو احتجاج ڪندي چيو ته پوليس بااثرن جي چرچ تي اسان مٿان ڪوڙا ڪيس ڪري رهي آھي تنهن باوجود پوليس وٽ پيش ڪيل نوجوان کي نامعلوم هند منتقل ڪري گم ڪيو آھي هاڻي لاعملي جو ڊرامو ڪيو پيو وڃي پوليس اسان جي هڪ نوجوان کي گم ڪري ٻيهر اسان جي گهرن چڙھائي ڪري وڌيڪ ٻي نوجوان ملوڪ دل کي گرفتار ڪري واڙھي تشدد جو نشانو بڻايو ويو وڃي هنن روئيندي چيو ته اسان سان ظلم ٿي رهيو اسان جي نوجوان کي گم ڪري ڇڏيو جهن جي ڪا به خبر نٿي ڏني وڃي نه ئي ڪنهن ڪيس ۾ گرفتاري ظاهر ڪئي وڃي ٿي هنن پوليس جي اعلي اختيارين کان نوجوانن جي بازيابي ڪري انصاف جي گهر ڪئي آھي

ڇور(ن پ ا) ڇور جي زڪريا ڪالوني جو ٽرانسفارمر 15 ڏينھن کان خراب ڪالوني وارا پيئڻ جي پاڻي لاءِ پريشان ٿي ويا،ان ڏس ۾ ڇور جي لڳ ڀڳ 800 گھرن تي مشتمل آبادي رکندڙ زڪريا ڪالوني جو ٽرانسفارمر گذريل پندرھن ڏينھن کان خراب ٺھي نه سگھيو .انھي حوالي سان ڪالوني جي رھواسين علي محمد نھڙي جمال سميجو مگھو ڪولھي لاکو ڀيل ۽ ٻين جو ميڊيا جي نمائندن اڳيان دانھيندي چوڻ ھو ته اسان جي بار بار درخواستون ڏيڻ تي پي ٽي آءِ ايم اين اي لال مالھي اسان جي ڪالوني کي نئون ٽرانسفارمر ڏنو ،جنھن کي واپڊا وارن پنھنجي من ماني ڪندي پنھنجي آفيس ۾ رکي ھن جي جڳهه تي پراڻو ٽرانسفارمر لڳايو جيڪو ھر مھيني سڙي ويندو آھي. اھو پراڻو ٽرانسفارمر گذريل پندرھن ڏينھن کان خراب پيل آھي جنھن ڪري ڪالوني وارا پيئڻ جي پاڻي لاء پريشان آھن.

ڪنري(ن پ ا) ڪنري لڳ زيارت تان موٽندڙ زائرين سان روڊ حادثو، رڪشو ڪلٽي ٿيڻ بعد کاھي ۾ ڪري پيو، هڪ عورت فوت ۽ چار ڄڻا زخمي ٿي پيا،ان ڏس ۾ مليل ڄاڻ موجب عمرڪوٽ ڪنري روڊ تي زيرو پوائنٽ لڳ ڊڍرو وٽ چيل بند کان زيارت ڪري واپس موٽيندڙ زائرين جو رڪشو ٽائر نڪري وڃڻ سبب کاھي ۾ ڪري پيو، جنھن سبب 50ورهيه عورت دازي زال الھڏنو ڪپري تڏي تي فوت ٿي وئي جڏھن ته ٻه ٻار ڪاشف ڪپري سارا ڪپري، رڪشا ڊرائيور نارائڻ ڪپري ۽ سارا ڪپري زخمي ٿي پيا. جن کي تعلقه اسپتال ڪنري آندو ويو .جتي ڊيوٽي ڊاڪٽر اسپتال مان غائب ھو ۽ پنھنجي ذاتي ڪلينڪ ھلائڻ ۾ مصروف ھو، جڏھن ته وڌيڪ زخمي رڪشا ڊرائيور نارائڻ ڪولھي کي حيدرآباد نيو وڃڻ جو ليٽر ڏنو ويو ۽ ايمبولنس ڊرائيور جي دير سان اچڻ سبب وارثن کي ڏکيائين کي منھن ڏيڻو پيو ،جنھن کي بعد ۾ تشويشناڪ حالت ۾ حيدرآباد نيو ويو، سمورا زخمي ۽ فوتي عورت ڪنري لڳ پڌريو فارم جي ڳوٺ زمان ڪپري جا رھواسي ٻڌايا پيا وڃن.

عمرڪوٽ (ن پ ا) ڏاھلي تعلقي جي ڳوٺ ڪٻڙي جو پرائمري اسڪول بند پيل آھي پر تعليم کاتي جي عملدار اسڪول کولرائڻ لاءِ ڪو بھ قدم نھ کنيو ۽ نھ ئي ٻارڙن جي تعليم متاثر ٿيڻ جو نوٽيس ورتو ويو. انڪري ڳوٺاڻن مسئلي جي حل لاء قانوني جدوجھد ڪرڻ جو فيصلو ڪري ورتو آھي. رھواسي حاجي عبدالرئوف راھمون ڇاڇرو پريس ڪلب پهچي ميڊيا کي ٻڌايو ته تاريخي ڳوٺ ڪٻڙي جو 54 سال پراڻو پرائمري اسڪول ٽن سالن کان بند پيل آھي، جنھن سبب سوين شاگردن جو مستقبل داءَ تي لڳل آھي، جڏھن تھ استاد  عباس راھمون اسڪول رڪارڊ ۽ جي آر رجسٽر گم ڪري ڇڏيو آھي. ھن چيو تھ تعليم کاتو خاموش بڻيل آھي، ڊائريڪٽر پرائمري اسڪولز ميرپورخاص سان ملاقات ڪري جاچ جو مطالبو ڪنداسين، بھتر موٽ نھ ملي تھ عدالت جو رخ ڪيو ويندو. ڳوٺاڻن تعليم واري وزير، سيڪريٽري تعليم ۽ وس وارن کان نوٽيس وٺي بند پيل اسڪول کولرائڻ جو مطالبو پڻ ڪيو.