پي ٽي آءِ سان واسطو رکندڙ سنڌ جو گورنر خانڳڙهه ۾ اڄ رات گذاريندو، سندس دعوت جا انتظام
گورنر کي علي گوهر مهر ۽ يو اي اي جي تعليم واري وزير دعوت ڏني آهي
خانپور مهر(ن پ ا) اڳوڻي صدر آصف زرداري کانپوءِ پي ٽي آءِ سان واسطو رکندڙ سنڌ جو گورنر به مهرن سان ملاقاتون ڪرڻ لاءِ اڄ خانڳڙهه ياترا تي پهچي رهيو آهي. گورنر عمران اسماعيل جي ڊي اي اڳواڻ سردار علي گوهر مهر جي دعوت تي خانڳڙهه اڄ خانڳڙهه پهچندو. جڏهن ته خانڳڙهه ياترا تي گورنر سان گڏ پي ٽي آءِ اڳواڻ حليم عادل شيخ به هوندو. ذريعن جو چوڻ آهي ته گڏيل عرب امارتن جي تعليم واري وزير شيخ النهيان مبارڪ طرفان گورنر عمران اسماعيل لاءِ دعوت جا انتظام ڪيا ويا آهن ۽ گورنر رات خانڳڙهه ۾ گذارڻ بعد سڀاڻي ڪراچي واپس ويندو. واضح رهي ته اڳوڻو صدر آصف زرداري ۽ پ پ چيئرمين بلاول ڀٽو زرداري گذريل ڏينهن پ پ ايم پي اي علي نواز مهر عرف راجا خان مهر جي دعوت تي خانڳڙهه پهتو هو، جتي ٻنهي اڳواڻن پيپلز پارٽي جي جلسي کي خطاب ڪيو. ذريعن امڪان ظاهر ڪيو آهي ته گورنر عمران اسماعيل جي دوري دوران پ پ مخالف مهر ڀائرن سان سنڌ اندر پ پ ۾ فارورڊ بلاڪ ٺاهڻ واري معاملي تي ڳالهيون ڪيون وينديون.
کنڀڙا ٿاڻي جي حد ۾ جوابدار عزيز الله بُگٽي فائرنگ ڪري زال بيبُل بُگٽي کي قتل ڪري ڇڏيو
متاثر ڌُر جو انڊس هاءِ وي تي لاش رکي ڌرڻو، روڊ جي ٻنهي پاسن کان ڪيتري ئي دير تائين گاڏيون بيٺل
اوٻاوڙو (ن پ ا) اوٻاوڙي ڀرسان ڪارنهن الزام مڙهي جوابدار ڀاءُ ۽ ڏيرن سان گڏجي زال کي قتل ڪري ڇڏيو. کنڀڙا ٿاڻي جي حد ۾ جوابدار عزيز الله بُگٽي ڪارنهن تهمت مڙهي زال بيبُل بُگٽي کي فائرنگ ڪري قتل ڪري ڇڏيو. مقتول عورت جي ڀاءُ احمد بُگٽي الزام هنيو آهي ته جوابدار عزيز الله بُگٽي بيگناهه ڀيڻ کي قتل ڪيو آهي. قتل ۾ جوابدار جا ڀائر ۽ سئوٽ رُستم، شريف، مير حسن، حنيف ۽ آدم بُگٽي به شامل آهن. واقعي بعد متاٿر ڌُر قومي شاهراهه تي لاش رکي ڌرڻو هنيو، جنهن جي نتيجي ۾ روڊ جي ٻنهي پاسن کان ڪيتري ئي دير تائين گاڏيون بيٺل رهيون.
خانپور مھر: گھوٽڪي ضلعي جي ياترا تي آيل اڳوڻي صدر آصف زرداري کي پ پ ايم پي اي علي نواز عرف راجا خان مھر 4 ڀلوڙ اٺ تحفي ۾ ڏنا. واضح رھي تھ مھر سردار وٽن ايندڙ مھمانن کي ڀلوڙ نسل جا اٺ، گھوڙا ۽ ڳئون تحفي طور ڏيندا رھندا آھن.
عليمه خان ۽ جهانگير ترين کي اين آر او ڇو مليو؟ اسان کي ضرورت ناھي: پ پ چيئرمين
مراد علي شاهه جهڙو بهترين وڏو وزير ڪنهن به صوبي ۾ ناهي، مٿس سئو سيڪڙو اعتماد آهي
گهوٽڪي (م ڊ) پ پ چيئرمين بلاول ڀٽو زرداري اي سي ايل ۾ نالا شامل ٿيڻ واري معاملي تي ردعمل ظاهر ڪندي چيو ته ايس اي ايل ۽ نوٽيسز کان نٿا ڊڄون، اسان نه پر گُجر خان جلد ڀڄي ويندو. گهوٽڪي ۾ ميڊيا سان ڳالهائيندي بلاول ڀٽو زرداري چيو ته اسان ڪٺ پتلي حڪمرانن کان نه ڀڄنداسين، اسان ڀڄڻ وارن مان نه آهيون، پر گُجر خان جلد ڀڄي ويندو. هن چيو ته اي سي ايل ۽ نوٽيسز کان نٿا ڊڄون، احتساب ڪرڻو آهي ته سڀني جو ڪرڻ گهرجي، عليم خان ۽ عليمه خان جو به احتساب ڪيو وڃي، ڪير به مقدس ڳئون نه آهي. هڪ سوال جي جواب ۾ بلاول ڀٽو زرداري چيو ته سنڌ جي وڏي وزير مراد علي شاهه تي مون کي سئو سيڪڙو اعتماد آهي، پيپلز پارٽي ۾ ڪوبه فارورڊ بلاڪ نه ٺهي رهيو آهي، پر ماڻهن جا اجايو دماغ ٺهي رهيا آهن. بلاول ڀٽو زرداري چيو ته ججز ۽ جنرلز جو احتساب ڇو نٿو ٿئي، جي آءِ ٽي جهڙي ڪوڙي رپورٽ ڪڏهن به نه ڏٺي آهي.
اسان ڀڄڻ وارن مان نه آهيون، گُجر خان جلد ڀڄي ويندو، مراد شاهه تي سئو سيڪڙو اعتماد آهي: گهوٽڪي ۾ ڳالهيون
گهوٽڪي (م ڊ) پ پ چيئرمين بلاول ڀٽو زرداري اي سي ايل ۾ نالا شامل ٿيڻ واري معاملي تي ردعمل ظاهر ڪندي چيو ته ايس اي ايل ۽ نوٽيسز کان نٿا ڊڄون، اسان نه پر گُجر خان جلد ڀڄي ويندو. گهوٽڪي ۾ ميڊيا سان ڳالهائيندي بلاول ڀٽو زرداري چيو ته اسان ڪٺ پتلي حڪمرانن کان نه ڀڄنداسين، اسان ڀڄڻ وارن مان نه آهيون، پر گُجر خان جلد ڀڄي ويندو. هن چيو ته اي سي ايل ۽ نوٽيسز کان نٿا ڊڄون، احتساب ڪرڻو آهي ته سڀني جو ڪرڻ گهرجي، عليم خان ۽ عليمه خان جو به احتساب ڪيو وڃي، ڪير به مقدس ڳئون نه آهي. هڪ سوال جي جواب ۾ بلاول ڀٽو زرداري چيو ته سنڌ جي وڏي وزير مراد علي شاهه تي مون کي سئو سيڪڙو اعتماد آهي، پيپلز پارٽي ۾ ڪوبه فارورڊ بلاڪ نه ٺهي رهيو آهي، پر ماڻهن جا اجايو دماغ ٺهي رهيا آهن.
پي ٽي آءِ کان حڪومت نه هلندي، اهو ئي ڪندا، جيڪو ڪري رهيا آهن: وڏو وزير
گهوٽڪي ( ن پ ا) سنڌ جي وڏي وزير مراد علي شاهه چيو آهي ته سنڌ جي عوام سان دشمني ڪئي پئي وڃي، جيڪڏهن عمران خان کي مڙهڻو هو ته کيس حڪومت ڪرڻ به سيکاريو وڃي ها.
خانڳڙهه ۾ پارٽي جلسي کي خطاب ڪندي مراد علي شاهه وزيراعظم عمران خان سميت وفاقي سرڪار کي تنقيد جو نشانو بڻايو، وڏي وزير چيو ته پي ٽي آءِ جي حڪومت سئو ڏينهن يا جيترا به ڏينهن رهي، انهن کان ڪجهه به نه ٿيندو، اهي حڪومت نه ٿا ڪري سگهن، اهو ئي ڪري سگهن ٿا، جيڪو ڪجهه ڪري رهيا آهن.
مراد علي شاهه چيو ته وفاقي سرڪار ٻن ٽن مهينن ۾ پنهنجو ڪم ظاهر ڪري ڇڏيو، عمران خان کي ملڪ تي مڙهڻو هو ته کيس حڪومت ڪرڻ به سيکاريو ها، کيس پنهنجي گهرواري ياد ڏياريندي آهي ته هو وزيراعظم آهي ۽ پيرڻي کي چئو ته عمران کي ٻڌائي ته حڪومت ڪيئن ٿيندي آهي.
سنڌ جي وڏي وزير چيو ته سنڌ جي عوام سان دشمني ڪئي پئي وڃي، رڳو پيپلزپارٽي ئي عوام جي خدمت ڪندي.
بات نڪلي گي تو بهت دور تڪ جائيگي، اسلام آباد ۾ انڌا، ٻوڙا ۽ گوندا رهن ٿا: اڳوڻو صدر
عوام ۽ عوام جي قيادت کي ڊيڄاري نٿو سگهجي، ڪنهن کان به ڊڄڻ جي ضرورت ناهي: خانڳڙهه ۾ جلسي کي خطاب
خانڳڙهه (رپورٽر) اڳوڻي صدر آصف زرداري اي سي ايل ۾ نالا شامل ڪرڻ تي ردعمل طاهر ڪندي چيو آهي ته اسان کي ڊچڻ جي ضرورت نه آهي. خانڳڙهه ۾ جلسي کي خطاب ڪندي آصف زرداري اي سي ايل ۾ نالا شامل ڪرڻ تي ردعمل ظاهر ڪندي چيو ته بات نڪلي گي تو بهت دور تڪ جائيگي. اردو ۾ خطاب ڪندي آصف زرداري چيو ته اردو ۾ اِن ڪري ڳالهائي رهيو آهي ته جيئن اسلام آباد جا انڌا، ٻوڙا ۽ گوندا ماڻهو رهندا آهن. اسان چونڊون کٽي ڏٺو آهي ۽ اپوزيشن ۾ به رهي ڏٺو آهي. عوام خوشحال ٿيندو آهي ته ملڪ ترقي ڪندو آهي. منهنجون ڪوئلي جون کاڻيون نه آهن، پر عوام کي ڪوئلي مان لاڀ ڏئي رهيا آهيون. هن چيو ته ڪنهن به شئي کان ڊڄڻ جي ضرورت نه آهي، اهي ڌُريون عوام ۽ عوام جي قيادت کي ڊيڄاري نٿيون سگهن.
الله بخش ۽ اڪرم ٿهيم امڙ جو سهارو بڻجڻ بدارن سندس سهاري تي زندگي گذارڻ تي مجبور
ٻئي ٻارڙا هلڻ ڦرڻ کان به لاچار، امڙ گهرن ۾ ڪم ڪار ڪري سندن علاج ڪرائي ٿي
اوٻاوڙو(ن پ ا) اوٻاوڙو جي خانپور محلي جا رهواسي 2 يتيم معصوم ٻارڙا 12 ورهين جو الله بخش ٿهيم ۽ 6 ورهين جو اڪرم ٿهيم ڄنگھن جي پراسرار بيماري ۾ مبتلا ٿي ويا آهن جنهن سبب معصوم ٻارڙا هلڻ ڦرڻ کان لاچار بڻجي ويا آهن ۽ ڪنهن به تڪ جي چونڊيل نمائندن متاثر خاندان سان واهر نه ڪئي آهي ان سلسلي ۾ معذور ٻارڙن جي امڙ مسمات زاهدان ۽ مامي منير احمد ٿهيم پنهنجي اخبار کي ٻڌايو آهي ته ٻارڙا ننڍپڻ کان صحتياب هيا پر 3 يا 4 سالن جي عمر ۾ منهنجي ٻارڙن کي پراسرار بيماري وڪوڙي وئي ،جنهن سبب معصوم ٻارڙا هلڻ ڦرڻ کان لاچار بڻجي ويا آهن،ٻارڙن جي امڙ جو چوڻ هو ته گهر جو سامان کپائي ٻارڙن جو علاج ڪرائي رهيا آهيون پر علاج ڪرائڻ باوجود به ڪو فرق نه پيو آهي ۽ اسان غريب آهيون انهن جو پيءُ وفات ڪري ويو آهي ۽ مان ماڻهن جي گهرن ۾ ڪم ڪري انهن کي پالي رهي آهيان هن چيو ته آئون غريب بيواهه عورت آهيان ماڻهن جي گهرن ۾ ٻوهاري ڪري گهر جو گذر سفر ڪندي آهيان، مان هن وقت ٻچڙن جي علاج لاءِ سخت پريشاني کي منهن ڏئي رهي آهيان اسان وٽ ايتري رقم ناهي جو اسان ٻچڙن جو علاج ڪراچي يا لاهور مان ڪرائي سگهون ۽ اسان هن تڪ جي چونڊيل نمائندن توڙي وزير اعلي سنڌ ۽ ٻين اعلي اختيارين کي اپيل ڪيون ٿا ته منهنجي ٻچڙن جو سرڪاري خرچ تي علاج ڪرايو وڃي .
عادلپور(ن پ ا)عادلپور ڀرسان ڳوٺ صالح مھر ۾ تر جي مشھور پيري ھري چند کي جوابدارن پاران ڏينھن ڏٺي جو مبينا طور اغوا ڪرڻ جي ڪوشش ڪئي وئي،ان ڏس ۾ جان محمد سوسائٽي ڀرسان ڳوٺ صالح مھر جي رھواسي علائقي جي مشھور پيري ھري چند ميھنگواڙ کي جوابدارن پاران ڏينھن ڏٺي جوصالح مھر لنڪ روڊ تي مدرسي ويجھو مبينا اغوا ڪرڻ جي ڪوشش ڪئي،رڙين تي جوبدارن پاران ھري چند تي تشدد ڪري فرار ٿي ويا،واقعي خلاف ھري چند احتجاج ڪندي الزام هنيو ته مان ڪنھن ڪم سان ڳوٺ کان موٽر سائيڪل تي وڃي رھيو ھئس ته مدرسي ويجھو ڪار سوارن جنھن ۾ وسايو مھر، امير بخش مھر، قربان مھر ۽ لطيف مھر جن مونکي روڪي زبردستي ھٿيارن جي زور تي تشدد ڪري اغوا ڪرڻ جي ڪوشش ڪئي،جڏھن ته منھنجي رڙين جي آواز تي آسپاس جا ماڻھو پھچي ويا جن مونکي اغوا ٿيڻ کان بچايو ۽مونکي عادلپور ٿاڻي پھچايو جڏھن ته واقعي جي اين سي عادلپور ٿاڻي تي داخل ڪرائي آھي.
گهوٽڪي(ن پ ا)نيشنل ڊيموڪريٽڪ پارٽي جي سربراه عبدالحئي بلوچ چيو آهي ته بلوچستان جو عوام پسماندگي جي زندگي گھاري رھيو آھي صوبي ۾ نالي ماتر جمهوريت آهي عام ماڻهو حق حاڪميت کان محروم بڻيل آهي ساڳي حالت سنڌ ۾ پڻ آهي
گهوٽڪي ۾ نواز ليگ سنڌ جي اڳواڻ حافظ صادق سميجو جي رھائش گاھ تي صحافين سان ڳالهائيندي هن چيو ته بلوچستان جي عوام پنهنجي حقن جي حاصلات جي لاءِ فيصلائتي جدوجهد ڪري رهيو آهي ۽ اسان نيشنل ڊيموڪريٽڪ پارٽي جي پليٽ فارم تي ملڪ جي سڀني مظلوم قومن سياسي پارٽين جي باشعور جمهوريت پسند ڌرين کي گڏ ڪري ملڪ ۾ حقيقي عوام جمهوري نظام قائم ڪنداسين
عبدالحئي بلوچ وڌيڪ چيو ته موجوده سرڪار طرفان سياستدانن خلاف جاري احتساب ڍونگ آهي احتساب جي آڙ ۾ انهن ماڻهن کي نشانو بڻايو وڃي ٿو جيڪي ڪجهه قوتن جي اشاري تي هلڻ کان انڪاري آهن
هن چيو ته پ پ قيادت کي گڏيل جمهوريت جو حصو بڻجڻ گهرجي ها صدارتي چونڊن کان پنجاب جي وڏي وزير جي چونڊ دوران گڏيل مخالف ڌر جو ڪردار ادا ڪرڻ گهرجي ھئا پر پيپلزپارٽي ائين نه ڪيو
خانپور مهر (ن پ ا) اڳوڻو صدر آصف علي زرداري خانڳڙهه پهچي ويو، جتي پيپلز پارٽي جي جلسي جون تياريون مڪمل ڪيون ويون آهن.ڪجھ دير بعد آصف رداري جلسي کي خطاب ڪندو، پ پ ايم پي اي اي علي نواز عرف راجا خان مهر ۽ صوبائي صلاحڪار محمد بخش خان مهربھ جلسي کي خطاب ڪندا .
