ڪلوئي(ن پ ا)سڄي ٿر جيان ڪلوئي تعلقي ۾ ڏڪاري حالتون برقرار، ڪلوئي لڳ ستون ميل موري ويجهو پورهيت جو هڪ ڏينهن جو ڄاول ٻارڙو مبينا سهولتن جي کوٽ بک بدحاليءَ سبب فوت ٿي ويو، ڪاري ڏڪار سبب غريب پورهيت ٻن وقتن جي ماني لاءِ پڻ پريشان آهن، ستون ميل لڳ ڳوٺ ارباب احسان فارم واسي پورهيت پريم ڪولهي جو هڪ ڏينهن جو ڄاول ٻارڙو مبينا بک بدحالي ۽ بيمارين وگهي فوت ٿي ويو آهي.
پورهيت دانهيندي چيو منهنجي گهر واري انتهائي ڪمزور هئي مقامي اسپتال عملي پاران ڪمزور ۽ ڳورهاري عورتن لاءِ آيل راشن پڻ نه ڏنو ويو ۽ ٻار انتهائي ڪمزور پيدا ٿيو،جنهن کي اسان اسپتال کڻي وڃي رهيا هئاسين ته رستي ۾ ٻارڙو فوت ٿي ويو، رهواسين اعلي اختيارين کان نوٽيس وٺڻ جو مطالبو ڪيو آهي.
ٻئي طرف ڳورهاري ۽ ڪمزور عورتن کي امدادي راشن نه ملڻ ۽ سوين ڳوٺ سروي ۾ شامل نه هجڻ خلاف يوسي گرڙاٻه ،ستون ميل ۽ ٻين علائقن جي مختلف ڳوٺن لال ساهڙ، ٻانڌو، ڏمڀرلي، اتادو سومرا، ڊاڀو سميجا، سپڻاڻي سومرا، ارباب احسان فارم ۽ ٻين ڳوٺن مان آيل ڏڪار متاثر ڳوٺاڻن منظور ساهڙ، لکاڏنو ساهڙ، مانجھي، عالم، قربان، ڀائي خان، کيتو مل، ميوو ۽ ٻين امدادي راشن لاءِ سندن ڳوٺ سروي نه ٿيڻ خلاف دانهيندي چيو ته يوسي گرڙاٻه جا ڄاڻايل سمورا ڳوٺ اڃا تائين امدادي راشن لاءِ سروي پڻ نه ڪيا ويا آهن.
رابطو ڪرڻ تي صحت کاتي ٿرپارڪر جي ڊي ايڇ او علاو الدين سومرو جو چوڻ آهي ته هي راشن صرف ڳورهاري ۽ ڪمزور عورتن جو آهي جڏهن ته علائقي ۾ ڏڪاري حالتن سبب هر ماڻهون چاهي ٿو ته راشن جو سامان کين ملي جيڪو ممڪن نه آهي.
ٿر ۾ ٻار مرڻ جو سلسلو جاري ، ڪلوئي ۾ تازو ڄاول ٻارڙو فوت
مارئي جي ديس ۾ پاڻي اڻلڀ، ڇاڇري ۾ آر او پلانٽ بند، احتجاج
ڇاڇرو (ن پ ا ) ڇاڇري ۾ پيئڻ جي پاڻي جي کوٽ ختم نه ٿي، ملازمن پگهارون نه ملڻ سبب آڱرين تي ڳڻپ جيترا هلندڙ آر او پلانٽ به بند ڪري ڇڏيا. مختلف ڳوٺن جي آر او پلانٽ جي ملازمن ذوالفقار نهڙي، نهال مينگهواڙ، علي محمد راهمون، قاضي راهمون، سنجر خان راهمون، اقبال راهمون، دودو خان، مبارڪ ۽ ٻين جي اڳواڻي ۾ آر او پلانٽ بند ڪري پريس ڪلب آڏو احتجاج ڪيو. ان موقعي تي ملازمن دانهيو ته خانگي ڪمپني پنجن مهينن کان پگهارون بند ڪري ڇڏيو آهن، جنهن سبب اسان بکون ڪاٽڻ تي مجبور آهيون. هوڏانهن آر او پلانٽ بند ٿيڻ سبب ڏڪاريل ڏيهه ٿر جي علائقي ڇاڇري ۾ پاڻي جو بحران وڌي ويو آهي، جنهن سبب مارئي جي ديس جا ماروئڙا پريشانيون ڀوڳڻ تي مجبور آهن. رهواسين سنڌ سرڪار کان مطالبو ڪيو آهي ته آر او پلانٽ فوري طور فعال ڪرائي پاڻي جو مسئلو حل ڪيو وڃي.
ڏيپلي ۾ حد دخليون هٽائڻ لاءِ گڏجاڻي، شهرين شڪايتن جا دفتر کولي ڇڏيا
شهر ۾ نيڪال سسٽم نه هجڻ ڪري برساتي پاڻي بيهي وڃي ٿو: رهواسي
رهواسين جي شڪايت تي هر وارڊ مان ٻن اڳواڻن تي ٻڌل ڪاميٽي جوڙي وئي
ڏيپلو(رپورٽر) سپريم ڪورٽ جي حڪم تحت ڏيپلو ۾ انڪروچمينٽ ھٽائڻ لاء ٽائون ڪاميٽي ڏيپلو ۾ ڪائونسلرن، واپارين ۽ معزز شھرين سان ميٽنگ ڪوٺرائي وئي ميٽنگ جي صدارت مختيارڪار غلام مصطفى کوسو ۽ چيئرمين موھن لال ڪندي چيو ته ڏيپلو شھر ۾ 29ـ 28ـ 27 تي دڪانن اڳيان ڇپرا ـ ٿلھا ۽ روڊن تي قبضا ڪري ويٺا آهن اھي ھٽرايا ويندا انھي کان اڳ عوام پنهنجو پاڻ ھٽراائي ڇڏين ته اھي وڌيڪ نقصان کان بچي ويندا ـ جڏهن ته شھرين گھڻا فٽ انڪروچمينٽ ھٽائي ويندي جو سوال ڪيو ـ ته مختيارڪار جواب ڏيندي چيو ته ماپ کي توھان ڇڏيو ـ بعد ۾ شھرين شڪايت ڪندي چيو ته شھر مان برساتي پاڻي جي نيڪالي نه ھجڻ ڪري برساتن ۾ شھر ٻڏي ٿو جنهن ڪري دڪان ٽي کان چار فٽ مٿي ٺھيل آهن انھي جي ٻاھران ڏاڪڻيون ٺھيل آهن اگر سيڙھيون ڪڍنداسين ته دڪان ڪيئن کلندا ۽ گراھڪ ايندا،آخر ۾ ميمبرن ۽ ھر وارڊ مان ٻه معزز شھرين تي ڪاميٽي جوڙي وئي جيڪي معاملي جو حل ڪڍي اسان کي آگاھ ڪندا .
اسلام ڪوٽ ۾ حددخليون هٽائڻ تان چڪريون ،احتجاج ، پوليس صحافين تي به ڪڙڪي پئي
شهرين حددخليون خلاف آپريشن دوران غريبن جا گهر ڊاهڻ خلاف مظاهرو ڪري ڌرڻو هنيو
پوليس زبردستي ڌرڻو ختم ڪرايو ۽ ڪوريج لاءِ پهتل صحافين کي به تشدد جو نشانو بڻايو
اسلام ڪوٽ(ن پ ا) اسلام ڪوٽ ۾ حددخليون هٽائڻ خلاف شهرين پاران باءَ پاس تي احتجاجي مظاهرو ڪندي ڌرڻو هنيو ويو ، پوليس طرفان ڌرڻو ختم ڪرائڻ دوران احتجاج ڪندڙن ۽ اينٽي انڪروچمينٽ جي اهلڪارن وچ ۾ چڪريون شروع ٿي ويون .لٺبازي ۾ شهري توڙي ڪوريج لاءِ پهتل صحافي پڻ زخمي ٿي پيا .احتجاج ڪندڙن الزام مڙهيو ته مقامي انتظاميه حددخلين جي آڙهه ۾ سندن گهر ڊاهي پٽ ڪري رهي آهي جڏهن ته بااثر ماڻهن جي جاين خلاف ڪا به ڪارروائي نٿي ڪئي وڃي .اينٽي انڪروچمينٽ پوليس تشدد ۾ ٽن صحافين غازي بجير. سڌير راٺوڙ ۽سجاول بجير سميت وڪيل مصطفي هنڱورجو ۽ سهراب راهمون سميت 5 ڄڻا زخمي ٿي پيا پوليس انهن جون ڪئمران به ڦري ورتيون .شهرين ۽ صحافين تي تشدد بعد وڏي انگ ۾ شهري روڊن تي نڪري آيا جن اهڙي عمل خلاف سخت احتجاج ڪيو .ايس ايس پي عمران قريشي جو چوڻ آهي ته پوليس اهلڪارن صهافين تي تشدد ناهي ڪيو ،تشدد حددخليون هٽائيندڙ عملي ڪيو آهي .سندس موقف هو ته اهي اهلڪار ٻاهر جا هئا جن مقامي صهافين کي نه ٿي سڃاتو بعد ۾ ايس ايڇ او اچي مامري کي تاريو .هن ٻڌايو ته چڪرين ۾ حدخليون هٽائيندڙ عملي جا 2 ماڻهو به زخمي ٿيا آهن .
ڇاڇري ۾ آر او پلانٽ جي ملازمن جو پگهارون نه ملڻ خلاف احتجاج، ڌرڻو
مختلف ڳوٺن جي آر او پلانٽ ملازمن الهجڙيو نهڙي ذوالفقار نهڙي جي اڳواڻي ۾ مظاهرو ڪيو
ڇاڇرو (ن-پ-ا)ڇاڇرو شھر ۾ ٿر جي مختلف ڳوٺن ۾ آر او پلانٽ تي ملازمت ڪندڙ ملازمن جو پگهارون نه ملڻ خلاف احتجاجي مظاهرو ڌرڻو، اڀ ڏاريندڙ نعرا، مختلف ڳوٺن جي آر او پلانٽ ملازمن الهجڙيو نهڙي ذوالفقار نهڙي نهال مينگهواڙ علي محمد راهمون قاضي راهمون سنجر خان راهمون اقبال راهمون دودو خان ٻين مظاهرو ڪيو، مظاهرين جو چوڻ هيو ته اسان جا ٻچا بکون ڪاٽي رهيا آهن،جڏهن ته ٿر ۾ آر او پلانٽ هلائيندڙ نجي ڪمپني پگهارون نه پئي ڏي، آر او پلانٽ آپريٽر جو چوڻ آهي ته گذريل پنج مهينن کان پگهارون بند آهن،آر او پلانٽ هلائڻ اسان بند ڪري ڇڏيا آهن، اسان جا مطالبا منظور ڪيا وڃن.
”بيگار بسون ڇو نه پڪڙيون” ايس ايس پي ٽرئفڪ مٺي ۾ سب انسپيڪٽر کي ڪوارٽر گهاٽ ڪري ڇڏيو
ايس ايس پي ٽرئفڪ سارجنٽ کي پ پ ڪارڪنن کي ڳڙهي خدا بخش موڪلڻ لاءِ 4 بسون پڪڙڻ جو ٽارگيٽ ڏنو هو
بيگار ۾ گاڏيون نه پڪڙڻ تي ٽرئفڪ سارجنٽ محمد سومار خاصخيلي کي ڪوارٽر گهاٽ ڪيو ويو
مٺي (ن پ ا) ايس ايس پي ٿرپارڪر عمران قريشي بي نظير ڀٽو جي ورسي ۾ ڊيوٽي تي ڳڙھي خدابخش پوليس نفري موڪلڻ لاءُ ٽرانسپورٽرن جون بيگار ۾ بسون نه پڪڙي سگهڻ تي ٽرئفڪ سارجنٽ سب انسپيڪٽر محمد سومار خاصخيلي کي ڪوارٽر گهاٽ ڪري ڇڏيو. معلوم ٿيو آھي ته ايس ايس پي ٽرئفڪ سارجنٽ کي نفري ڳڙھي خدابخش اماڻڻ لاءُ مختلف رستن تي هلندڙ 4 بسون پڪڙي اچڻ جو ٽارگيٽ ڏنو هو پر ٽرانسپورٽرن بيگار ۾ بسون پڪڙڻ جي اڳواٽ خبر پئجي وڃڻ ڪري بسون لڪائي ڇڏيون، تنهن ڪري ٽرئفڪ پوليس رڳو 2 بسون پڪڙي سگهي. ايس ايس پي سخت ڪاوڙ ۾ اچي ضلع جي ٽرئفڪ سارجنٽ سب انسپيڪٽر محمد سومار خاصخيلي کي ايس ايس پي آفيس جي قائم لاڪ اپ ۾ ڪوارٽر گهاٽ ڪري ڇڏيو آھي. ۽ باقي سندس اسٽاف جي اهلڪارن کي چتاءُ ڏنو ته صبح سوير تائين وڌيڪ 2 هينو بسون پڪڙي پوليس لائن تائين نه پهچائڻ جي صورت ۾ کين به ڪوارٽر گارڊ ڪيو ويندو. اهڙي وارننگ بعد ٽرئفڪ پوليس جا اهلڪار مختلف گيريچن. بس اڏن سميت روڊ رستن تي هينو بسن کي ڳولڻ ۾ رڌل هئا. هوڏانهن ٽرئفڪ جو ضلع انچارچ سارجنٽ محمد سومار خاصخيلي سخت سردي ۾ لاڪپ اندر رات گذاري رهيو هو.
سول اسپتال مٺي ۾ خوراڪ جي کوٽ سبب وڌيڪ ٻه ٻار فوت
تازه ڄاول ٻار دسرت ۽ سريش ميگهواڙ خوراڪ جي کوٽ سبب فوت ٿيا
مٺي(ن-پ-ا) سول اسپتال مٺي ۾ خوراڪ جي کوٽ ۽ مختلف بيمارين وگهي وڌيڪ ٻه ٻارڙا فوت ٿي ويا، جنهن کانپوءِ هلندڙ مهيني ۾ فوتي ٻارڙن جو انگ 43 ٿي ويو، هلندڙ سال 613 ٻار فوت ٿي چڪا آهن، مٺي ۾ فوتي ٻارڙن ۾ دسرت ميگهواڙ ۽ سريش ميگهواڙ جا تازا ڄاول ٻارڙا شامل ٻڌايا وڃن ٿا، هوڏانهن مٺي سول اسپتال جي ميل نيوٽريشن ۽ نرسري وارڊن ۾ 5 سالن کان گهٽ عمر جا 55 ٻارڙا زير علاج آھن. جڏھن ته اسپتال ۾ بجيٽ ختم ٿي وڃڻ جو جواز ڄاڻائي ايمبولينسز سروس بند ڪرڻ سان گڏ وڌيڪ دوائن جي خريداري پڻ بند ڪئي وئي آھي جنهن ڪري سنڌ سرڪار پاران سڄي صوبي جي مثالي قرار ڏنل مٺي سول اسپتال ۾ داخل مريض سرڪاري دوائون نه ملڻ ڪري خانگي اسٽورن تان دوائون خريد ڪري علاج ڪرائڻ تي مجبور آھن، رابطو ڪرڻ تي مٺي سول اسپتال جي انچارچ اي ايم ايس ڊاڪٽر چمن شرما چيو ته دوائن جي وڌيڪ خريداري ان ڪري ناهيون ڪري سگهيا ته سيشن جج. ڊپٽي ڪمشنر سميت مختلف لاڳاپيل آفيسرن تي مشتمل ڪميٽي ٺاهي وئي جنهن جي اجازت بعد ئي دوائون خريد ڪري سگهبيون. هن چيو ته اسپتال ۾ دوائن جي کوٽ ناهي مريض اجايو الزام تراشيون ڪن پيا، باقي تيل جي مد ۾ بجيٽ ختم ٿي آھي اسان پينٽرول پمپن تان اوڌر تي تيل وٺي ڪم کي هلايون پيا.
اسلام ڪوٽ ۾ حددخليون هٽائڻ لاءِ آپريشن خلاف شٽربند هڙتال، شهرين ڌرڻو هڻي مٺي روڊ بلاڪ ڪري ڇڏيو
سوين شهرين ٽائون موڙ تي حددخلين جي آڙ ۾ ٿيندڙ آپريشن خلاف ڌرڻو هنيو ويو
مٺي ويندڙ روڊ بلاڪ ٿيڻ سبب گاڏين جي اچ وڃ ڪيتري ئي دير تائين بند رهي
اسلام ڪوٽ (ن پ ا) اسلام ڪوٽ ۾ سوين شهرين پاران حددخلين جي آڙ ۾ جائز ملڪيتون ڊاهڻ خلاف سوين شهرين پاران ٽائون موڙ تي ڌرڻو هنيو ويو،، مٺي ويندڙ روڊ بلاڪ ٽرئفڪ معطل ٿي وئي، ڌرڻي واري هنڌ رينجرز ۽ پوليس پهچي ويئي، ڊي سي ٿرپارڪر خلاف نعريبازي هٽائڻ جي گهر ڪئي وئي، ڌرڻي جي اڳواڻي واپاري صدر ڪلديپ پارواڻي،وڪيل مصطفىٰ هنگورجو،سهراب راهمون،وريام لنجو ۽ ٻيا ڪري رهيا هئا.
بجيٽ ختم ٿي وئي آهي، پيٽرول پمپن جا قرضي ٿي ويا آھيون:اي ايم ايس
مريضن کان تيل جي مد ۾ اوڳاڙي ڪئي آھي، ڪوشش آهي ته اوڌر تيل ملي وڃي
مٺي: اسپتال جي اي ايم ايس ڊاڪٽر چمن شرما رابطو ڪرڻ تي ٻڌايو ته اسپتال کي تيل جي مد ۾ مليل بجيٽ ختم ٿي ويئي آھي. پيٽرول پمپن جا قرضي ٿي ويا آھيون، جيڪي وڌيڪ اوڌر تي تيل نٿا ڏين انڪري اسان صرف اڄ کان مريضن کان تيل جي مد ۾ اوڳاڙي ڪئي آھي. ڪوشش ڪريون ٿا ته ڪنهن پينٽرول پمپ تان اوڌر تيل ملي وڃي ته جيئن بجيٽ اچڻ تائين مفت ايمبولينسز سروس جاري رکي سگهون. هن چيو ته اسان وٽ تيل جا ڏوڪڙ نه هوندا ته اسين پنهنجي گهران ته تيل ڀرائي ريفر ڪيل مريضن کي اسپتالن تائين نٿا پهچائي سگهون.
مٺي سول اسپتال انتظاميه مفت ايمبولنس سروس مهيني بعد بند ڪري ڇڏي، مريض دربدر
وڏي وزير سيد مراد علي شاهه جي هدايتن تي صرف هڪ مهينو ئي عمل ٿي سگهيو، ڳري ڀاڙي جي اوڳاڙي شروع
ريفر ٿيندڙ هر مريض کان اوڳاڙڻ خاطر ڪراچي لاءِ 10 هزار ۽ حيدرآباد لاءِ 7 هزار روپيه ڀاڙو مقرر ڪيو ويو
مٺي(رپورٽر)مٺي سول اسپتال انتظاميه بجيٽ ختم ٿي وڃڻ جي بهاني مريضن لاءِسنڌ سرڪار پاران شروع ڪيل مفت ايمبولينسز سروس اوچتو بند ڪري ڇڏي،مريضن کان ڳاٽي ٽوڙ ڀاڙو اوڳاڙي شروع ڪيو ويو آھي. جنهن ڪري مٺي سول اسپتال مان ڪراچي ۽ حيدرآباد سميت شھرن جي اسپتالن ڏانهن ريفر ٿيندڙ ڏڪار متاثر ٻارڙا توڙي عام مريض ڀاڙو نه هجڻ ڪري دربدر ۽ پريشان ٿي ويا آھن. ان ڏس ۾ وڏي وزير سيد مراد علي شاه پاران هڪ مهينو اڳ تيل جي مد ۾ اضافي بجيٽ جاري ڪندي ڏڪار متاثر مريضن لاءِ مفت ايمبولينسز سروس شروع ڪئي هئي ۽ ڏڪار جون هنگامي حالتون معمول تي اچڻ تائين مفت ايمبولينسز سروس جاري رکڻ ۽ ڪنهن به مريض کان ڀاڙو اوڳاڙي نه ڪرڻ جو اعلان ڪندي مقامي اسپتالن جي انتظاميه کي وارننگ جاري ڪئي هئي ته جنهن به مريضن کان ايمبولينسز سروس جي نالي تي ڀاڙو وصول ڪيو انکي جيل اماڻيو ويندو. ان اعلان کانپوءُ هڪ مهينو اڳ شروع ٿيل مفت ايمبولينسز سروس مٺي سول اسپتال انتظاميه بجيٽ ختم ٿي وڃڻ جو جواز ڄاڻائي بند ڪري ڇڏي آھي ۽ ريفر ٿيندڙ هر مريض کان ڪراچي لاءُ 10 هزار ۽ حيدرآباد لاءُ 7 هزار روپيه ڀاڙو جي نالي ۾ اوڳاڙي شروع ڪري ڇڏي آھي. مٺي سول اسپتال مان ڪيترائي ڪلاڪ اڳ ريفر ڪيل ڌار ڌار 3 مريض ۽ انهن جا وارث ڀاڙو نه هجڻ ڪري بيوس بڻجي اسپتال جي احاطي ۾ ويٺل هئا ۽ ان وقت اوچتو پي ٽي آءِ جو صوبائي جنرل سيڪريٽري ۽ سنڌ اسيمبلي ۾ مخالف ڌر جو اڳواڻ حليم عادل شيخ اسپتال وزٽ لاءُ پهتو ته اهي مريضن جا وارث سندس آڏو دانهون ۽ التجائون ڪرڻ لڳا.ان موقعي تي موجود اسپتال جي ڪلارڪ رياض هنڱورجو ٻڌايو ته اسان وٽ تيل جي بجيٽ ختم ٿي آھي. ان ڪري اڄ کان مفت ايمبولينسز سروس بند ڪري اسپتال انتظاميه کي آگاه ڪري ڇڏيو هو. ان ڪري ريفر ٿيندڙ مريضن کان رڳو تيل جا پئسا وٺي مريض اسپتالن ڏانهن موڪلي رهيا آھيون.
اسلام ڪوٽ۾ آپريشن،غريبن جا اجها پٽ، ايم پي اي بلالاڻي آڏو احتجاج
اسلام ڪوٽ (ن پ ا)روينيو انتظاميه پاران حد دخلين خلاف آپريشن شروع،انتظاميه اسلام ڪوٽ باءِ پاس تي حددخلين خلاف آپريشن ڪندي بااثرن بجاءِ غريبن جا اجها پٽ ڪري ڇڏيا،انتظاميه روڊ کان سوين فوٽ پري اڏيل جهوپڙا به ڊاهي ڇڏيا،روينيو انتظاميه پاران اسلام ڪوٽ ۾ حددخليون هٽائڻ جي لاءِ آپريشن شروع ڪيو ويو،انهي سلسلي ۾ اسسٽنٽ ڪمشنر شنڪر لال مختيارڪار عبدالغفار لاکير جي اڳواڻي ۾ روينيو ۽ ميونسپل عملي پاران وڏي مشينري ذريعي مٺي اسلام ڪوٽ روڊ کان ڪارروائي شروع ڪرڻ بدران اسلام ڪوٽ ننگرپارڪر روڊ تي اونڌهيو لڪ کان آپريشن شروع ڪري غريبن جا گهر ڊاهڻ شروع ڪيا،صبح سوير کان شروع ڪيل آپريشن سڄو ڏينهن جاري رهيو،روينيو انتظاميه پاران شهر جي باء پاس روڊ جي سينٽر جي ٻنهي پاسن کان هڪ سو ڏھ فوٽ جي ماپ ۾ ايندڙ اڏاتون هٽائڻ بجاءِ ٻه سئو فوٽ پري اڏيل غريبن جي اجهن ۽ جهوپڙين کي به ڊاهي پٽ ڪري ڇڏيو،متاثر دانهون ڪندا رهيا پر انتظاميه ڪنهن جي به نه ٻڌي،متاثر رهواسين پ پ ايم پي اي فقير شير محمد بلالاڻي آڏو به سخت احتجاج ڪندي دانهيندي چيو ته انتظاميه پنهنجي ڪيل فيصلي تان ڦري ويئي آهي،انتظاميه پهرين ٻڌايو ته روڊ جي سينٽر کان 110 فوٽ جي ايريا اندر ايندڙ اڏاوتون هٽايون وينديو.اسان انهي تي عمل ڪرڻ لاء تيار هئاسين،پر انتظاميه طئه ٿيل ماپ کان مٿي 2 کان 3 سئو فوٽ تائين ڪاروائي ڪري اسان جا گهر توڙي جگهيون ڊاهي رهي آهي ،پ پ ايم پي اي فقير شير محمد بلالاڻي چيو ته ڪنهن سان به زيادتي ٿيڻ نه ڏبي،انتظاميا سان ڳالهايون ٿا،جيڪا به ڪاروائي ٿي اهو قانون مطابق ۽ برابري جي بنيادن تي ڪئي وڃي،ٻي پاسي مختلف سياسي سماجي ڌرين پاران اڄ پرامن ڌرڻو هڻڻ جو سڏ ڏنو ويو آهي،انهي سلسلي۾ پ پ پ اڳواڻ سيد ڀورل شاھ رابطي تي ٻڌايو ته اسان هڪ گڏجاڻي ڪئي جنهن ۾ مختلف سياسي سماجي اڳواڻن حاجي عاقيل لنجو،شريف هنگورجو،وڪيل غلام مصطفئ هنگورجو،سهراب راهمون،حاجي ثناءُالله راهمون،گۡل شير وسائيپوٽو،علي نواز مهراڻپوٽو،محسن لنجو ۽ ٻين شرڪت ڪئي، گڏجاڻي ۾ فيصلو ڪيو ويو ته اڄ ڊي سي ٿرپارڪر خلاف اسلام ڪوٽ جي ٽائون موڙ تي پرامن احتجاجي ڌرڻو هنيو ويندو،اڄ پرامن احتجاج رڪارڊ ڪرايو ويندو،انهيءَ لاءِ اسان واپاري ڀائرن کي به عرض ڪيو آهي ته اهي به اسان جو ساٿ ڏين ۽ ضرورت پئي ته شٽر بند هڙتال به ڪئي ويندي،
ننگرپارڪر ۾ ڳوٺاڻن جو راشن ۽ ڪڻڪ نه ملڻ خلاف مظاهرو
صحت کاتي جا عملدار سفارشي عورتن کي راشن جا ٿيلها ڏئي رهيا آهن: ڳوٺاڻا
الزام غلط آهن، احتجاج ڪندڙ ماڻهو صحت کاتي وٽ رجسٽرڊ ناهن: اسسٽنٽ ڪمشنر
ننگرپارڪر (رپورٽ فيض کوسو ) ننگرپارڪر جي مختلف ڳوٺن صوڀي جو تڙ ، روپي جي ڍاڻي ، ڏيوي جي ڍاڻي ، لڇمڻ جي ڊاڻي ، ڪرمون جي ڍاڻي ۽ ڳوٺ خاني جو تڙ جي رهواسين پاران راشن جا ٿيلها ۽ ڪڻڪ نه ملڻ خلاف احتجاجي مظاهرو ڪيو ويو . ان موقعي تي دانهيدي دلپت ڀيل ، ڪامريد کئينراج ڀيل ، بهادر ڀيل ، پرتاب ڀيل ، پونيو ڀيل ، نگو ڀيل ، ڪرمون ڀيل ۽ ٻڌايو تہ اسان جي يوسي تڳوسر جو صحت مرڪز هيرار ديدا ۾ آهي جڏهن تہ ڳورهاري عورتن ۽ ننڍڙن ٻارڙن لاء ايندڙ راشن بيگس جو سينٽر صاحبڏنو گجو ۾ صحت کاتي جو ڊسپينسر ممتاز دل شفارشي عورتن کي ورهائي رهيو آهي اسان جي عورتن وٽ اسپتال جي ڳورهاري هجڻ جي تصديق وارا ڪاغذ ۽ ننڍڙا ٻار هجڻ باوجود اسان کي امدادي راشن بيگ نہ پيا ڏنا وڃن . جڏهن تہ پرتاب ڀيل ٻڌايو تھ اسان جي ڳوٺ خاني جو تڙ جو راشن بيگس ورهائڻ جو سينٽر کاري جي ويري آهي . جتي بھ سفارشي عورتن کي راشن بيگس ڏنا وڃن پيا. هنن مطالبو ڪيو آهي تہ اسان کي راشن بيگس ۽ ڪڻڪ نہ ملي تہ احتجاج جو دائرو وڌايو ويندو. جڏهن تہ رابطو ڪرڻ تي اسسٽنٽ ڪمشنر ننگرپارڪر نورالدين هنگورجو ٻڌايو تھ سفارشي عورتن کي راشن بيگس ڏيڻ جا الزام غلط آهن جيڪي ماڻهو احتجاج ڪري رهيا آهن اهي صحت کاتي ۾ رجسٽرڊ نه آهن .
مٺي سول اسپتال انتظاميه مفت ايمبولنس سروس بند ڪري ڇڏي
وڏي وزير سيد مراد علي شاهه جي هدايتن تي صرف هڪ مهينو ئي عمل ٿي سگهيو
ايمبولنس سروس لاءِ اوڳاڙي شروع،بجيٽ ختم ٿي وئي آهي:اي ايم ايس
مٺي(رپورٽر)مٺي سول اسپتال انتظاميه بجيٽ ختم ٿي وڃڻ جي بهاني مريضن لاءِسنڌ سرڪار پاران شروع ڪيل مفت ايمبولينسز سروس اوچتو بند ڪري ڇڏي،مريضن کان ڳاٽي ٽوڙ ڀاڙو اوڳاڙي شروع ڪيو ويو آھي. جنهن ڪري مٺي سول اسپتال مان ڪراچي ۽ حيدرآباد سميت شھرن جي اسپتالن ڏانهن ريفر ٿيندڙ ڏڪار متاثر ٻارڙا توڙي عام مريض ڀاڙو نه هجڻ ڪري دربدر ۽ پريشان ٿي ويا آھن.
ان ڏس ۾ وڏي وزير سيد مراد علي شاه پاران هڪ مهينو اڳ تيل جي مد ۾ اضافي بجيٽ جاري ڪندي ڏڪار متاثر مريضن لاءِ مفت ايمبولينسز سروس شروع ڪئي هئي ۽ ڏڪار جون هنگامي حالتون معمول تي اچڻ تائين مفت ايمبولينسز سروس جاري رکڻ ۽ ڪنهن به مريض کان ڀاڙو اوڳاڙي نه ڪرڻ جو اعلان ڪندي مقامي اسپتالن جي انتظاميه کي وارننگ جاري ڪئي هئي ته جنهن به مريضن کان ايمبولينسز سروس جي نالي تي ڀاڙو وصول ڪيو انکي جيل اماڻيو ويندو. ان اعلان کانپوءُ هڪ مهينو اڳ شروع ٿيل مفت ايمبولينسز سروس مٺي سول اسپتال انتظاميه بجيٽ ختم ٿي وڃڻ جو جواز ڄاڻائي بند ڪري ڇڏي آھي ۽ ريفر ٿيندڙ هر مريض کان ڪراچي لاءُ 10 هزار ۽ حيدرآباد لاءُ 7 هزار روپيه ڀاڙو جي نالي ۾ اوڳاڙي شروع ڪري ڇڏي آھي.
مٺي سول اسپتال مان ڪيترائي ڪلاڪ اڳ ريفر ڪيل ڌار ڌار 3 مريض ۽ انهن جا وارث ڀاڙو نه هجڻ ڪري بيوس بڻجي اسپتال جي احاطي ۾ ويٺل هئا ۽ ان وقت اوچتو پي ٽي آءِ جو صوبائي جنرل سيڪريٽري ۽ سنڌ اسيمبلي ۾ مخالف ڌر جو اڳواڻ حليم عادل شيخ اسپتال وزٽ لاءُ پهتو ته اهي مريضن جا وارث سندس آڏو دانهون ۽ التجائون ڪرڻ لڳا.ان موقعي تي موجود اسپتال جي ڪلارڪ رياض هنڱورجو ٻڌايو ته اسان وٽ تيل جي بجيٽ ختم ٿي آھي. ان ڪري اڄ کان مفت ايمبولينسز سروس بند ڪري اسپتال انتظاميه کي آگاه ڪري ڇڏيو هو. ان ڪري ريفر ٿيندڙ مريضن کان رڳو تيل جا پئسا وٺي مريض اسپتالن ڏانهن موڪلي رهيا آھيون.
اسپتال جي اي ايم ايس ڊاڪٽر چمن شرما رابطو ڪرڻ تي چيو ته اسپتال کي تيل جي مد ۾ مليل بجيٽ ختم ٿي ويئي آھي. پيٽرول پمپن جا قرضي ٿي ويا آھيون،جيڪي وڌيڪ اوڌر تي تيل نٿا ڏين انڪري اسان صرف اڄ کان مريضن کان تيل جي مد ۾ اوڳاڙي ڪئي آھي. ڪوشش ڪريون ٿا ته ڪنهن پينٽرول پمپ تان اوڌر تيل ملي وڃي ته جيئن بجيٽ اچڻ تائين مفت ايمبولينسز سروس جاري رکي سگهون. هن چيو ته اسان وٽ تيل جا ڏوڪڙ نه هوندا ته اسين پنهنجي گهران ته تيل ڀرائي ريفر ڪيل مريضن کي اسپتالن تائين نٿا پهچائي سگهون.
سنڌ جو عوام صحت جي سهولتن کان محروم آهي: حليم عادل شيخ
ڇهانوي ارب رپيا بجيٽ هجڻ باوجود اسپتالن ۾ بخار لاهڻ جون گوريون نٿيون ملن
هڪ پڦي سنڌ جي مالڪ آهي ته ٻي صحت جي وزير آهي سندس ڪير پڇاڻو ڪندو؟
مٺي (ڊ ر) پاڪستان تحريڪ انصاف سنڌ جي جنرل سيڪريٽري ۽ پارلياماني ليڊر حليم عادل شيخ سنڌ جي مختلف شهرن مٺي . چيلهار سميت ڳوٺن م اسپتالن، اسڪولن، فلٽر پلانٽن جا دورا ڪيا. جتي تعليم صحت جون سهولتون نه ملڻ ڪري ماڻهن شڪايتن ڪيون. ميڊيا سان ڳالهائيدي حليم عادل شيخ چيو ته پوري سنڌ گهمي آيو آهيان ڪٿي به اسپتالن ۾ صحت جون سهولتون ناهن ڇهانوي ارب روپيا ساليانه صحت کاتي تي عوام کي علاج معالج جي نالي تي خرچ لاءِ اچن ٿا ڪرپشن جي ڪري عوام کي بنيادي صحت جون سهولتون نه مليل آهن، اسپتالن عوام کي بخاري لاهڻ جي گوري به نٿي ملي رڳو پرچيون لکي ٻاهران دوائون گهرايون ٿيون وڃن. هن چيو ته سنڌ تي حڪمراني ڪندڙ هڪ ڦڦي آهي ٻئي ڦڦي صحت جي وزير بڻيل اهي کائن ڪير پڇڻ وارو نه آهي ته عوام جي نالي تي ايندڙ بجيٽ ڪيڏانهن وڃي رهيو آهي.