ڪنڌڪوٽ (ن پ ا)ڪنڌڪوٽ اسپيشل ايجوڪيشن ۾ جعلي ڀرتين جو ڀانڊو ڦاٽڻ بعد اينٽي ڪرپشن ۾ ڪيس داخل ٿيڻ جي باوجود ڪيس جي جوابدارن عبدالرحيم بھلڪاڻي، اسپتال جي ايم ايس ڊاڪٽر نذير اعواڻ، سيڪشن آفيسر ناز پروين، ڊاڪٽر ڪشور ڪمار،اڳوڻو ايم ايس ھيرالدين گجراڻي، سرفراز احمد گھانگھرو ۽ عدنان قاضي سميت ڪنھن جي به گرفتاري عمل ۾ نه اچي سگھي،ڪيس داخل ٿيڻ بعد ڪيس ۾ نامزد عملدار فرار ٿي ويا جن جي گرفتاري لاءِ اينٽي ڪرپشن جي ٽيم پاران ڇاپا مار ڪاروائين جو سلسلو جاري آھي،ان سلسلي ۾ رابطو ڪرڻ تي اينٽي ڪرپسن جي سرڪل آفيسر شاھد بشير کوسي ٻڌايو ته اسپيشل ايجوڪيشن جي ڪيس ۾ جعلي ڀرتين واري ڪيس ۾ جوابدارن جي گرفتاري لاءِ ٽيم جوڙي آھي جوابدارن کي جلد گرفتار ڪيو ويندو ٻئي طرف ذريعن کان مليل ڄاڻ موجب ڪيس ۾ نامزد عملدارن پنھنجو پاڻ کي بچائڻ لاءِ ڪوششون شروع ڪري ڇڏيون جڏھن ته اعليٰ عدليه مان گرفتاري کان اڳ ضمانتون ڪرائي ورتيون.
ڪنڌڪوٽ ويجھو موٽر سائيڪل ڦر جي ڪوشش: مزاحمت تي نوجوان ۽ ٻارڙي زخمي
ڪنڌڪوٽ(ن پ ا) ڪنڌڪوٽ ويجھو ڊيراسرڪي پوليس ٿاڻا جي حد صيفل لاڙو وٽ جوابدارن شھر طرف موٽرسائيڪل سوار زابر نندواڻي جو اڳ وٺي موٽرسائيڪل ڦرڪرڻ دوران جوابدارن ڌڪ ھڻي کيس زخمي ڪيو ان دوران موٽرسائيڪل تي ويٺل معصوم ٻارڙي زرينا به زخمي ٿي پئي جڏھن ت جوابدارفرار ٿي ويا جنھن بعد واقعي ۾ جوابدار گرفتارن ڪرڻ ۽ ڦرٿيل موٽرسائيڪل جي واپسي ۽انصاف لاء وارث عورتن.مردن زخمي زرينا۽سندس زخمي والد زابرنندواڻي کي کڻي ايس ايس پي آفيس جي مين گيٽ آڏو احتجاج ڪري انصاف جي گھر ڪئي ان دوران ريڍر ۽ ٻين پوليس عملدارن انصاف جي خاطري ڪرائي متاثر ڌر کي گيٽ آڏو اٿائي ڇڏيو.
ڪنڌڪوٽ جي عدالت پاران قتل ڪيس جي ٽن جوابدارن جي ضمانت رد
ڪنڌڪوٽ (ن پ ا)فرسٽ ايڍيشنل سيشن جج مسٽرنديم بدرقاضي جي عدالت قتل ٿيل عورت سرتاج خاتون جي ڪيس ۾ ضمانت تي ٽن جوابدارن گل محمد،پرويز ۽ محمد بخش گولو جي ضمانت رد ڪري ٽنھي جوابدارن کي شڪارپور جيل اماڻي ڇڏيو .مذڪوره ڪيس نمبر172“ 2016 قتل ڪيس ۾ مقتولا جو مڙس سچل گولو پڻ فريادي آھي،جنھن جو ڪيس ھلندڙھو .جنھن تي عدالت ٽنھي جوابدارن کي جيل موڪلي ڇڏيو.
روجهاڻ مزاري ۾ حادثو، ڪشمور واسي 2 نوجوان فوت
ڪشمور(ن پ ا) پنجاب جي علائقي روجهاڻ ۾ روڊ حادثي جي نتيجي ۾ ڪشمور واسي 2 نوجوان فوت ٿي ويا، هڪ ٻار ۽ 2 عورتون زخمي ٿي پيون.
روجهاڻ ۾ انڊس هاءِ وي تي ڪار ۽ ٻن موٽرسائيڪل وچ ۾ خوفناڪ ٽڪر ٿيو، جنهن جي نتيجي ۾ ڪشمور واسي نوجوان شهزادو چاچڙ ۽ نور احمد گولاٽو ٿڌي تي فوت ٿي ويا.
حادثي جي نتيجي ۾ هڪ ٻار ۽ 2 عورتون به زخمي ٿي پيون، فوتين جا لاش ۽ زخمين کي روجهاڻ اسپتال پهچايو ويو، جتان ضروري ڪارروائي بعد فوتين جا لاش ڪشمور روانا ڪيا ويا
”برادري جهيڙا نامنظور“ ڪشمور ۾ امن ريلي
غوثپور (ن پ ا) ڪشمور ايٽ ڪنڌڪوٽ ضلعي اندر وڌندڙ قبائلي خوني تڪرارن جي خاتمي لاء غوثپور شهر جي سول سوسائٽي مذهبي سياسي سماجي ڌرين ،وڪيل ۽ قومپرست اڳواڻن امن ريلي ڪڍي ،امن زنده باد جا نعره هنيا . ريلي ۾ عبدالغني بجاراڻي سيد محبوب علي شاه جيلاني سائين منور علي شاه جيلاني مولانا خان محمد ملڪ زريت حسين مولوي اصدالله ڀيو نثار احمد ميراڻي اعجاز احمد بجاراڻي ڪامريڊ تاج محمد جعفري معشوق ڀيو عبدالحفيظ بجاراڻي ٻين شرڪت ڪئي . ميڊيا سان ڳالهائيندي اڳواڻن چيو ته ضلعي ڪشمور ايٽ ڪنڌ ڪوٽ جا جاگير دار وڏيرا پنهجا مفاد حاصل ڪرڻ لاء قبائلي جهيڙا ڪرائي انسانيت جو قتل عام ڪرائن ٿا هنن چيو ته اسان ورهين کان هتان جي نمائيندن کي ووٽ ڏيون پيا اسان جي ووٽن تي چونڊيل ايم پي ايز ايم اين اي اسان کي نوڪريون روڊ رستا تعليم صحت ۽ ٻيون بنيادي سهولتون نه ڏئي سگهيا آهن پر اسان کي امن به نه ڏئي سگهيا آهن هنن چيو ته قبائلي جهيڙن کي هٿي وٺرائڻ ۾ وڏيرن جو خاص ڪردار رهيو آهي ۽ انتظاميان به خاموش بڻيل آهي ضلعي ڪشمور اندر اڀرندڙ تيغاڻي بجاراڻي قبائلي خوني تقرار م هن محل تائين 28 نوجوان قتل ٿي چڪا آهن پر پوليس انتظاميان هن مهل تائين هڪ به جوابدار گرفتار نه ڪري سگهي آهي پوليس انتظاميان لاءِ ڪيترائي سوال پيدا ڪري ٿي هنن رينجرز توڙي عدالتن کان بدامني جو نوٽيس وٺي امن قائم ڪرائڻ جي گهُر ڪئي.
بخشاپور: حادثي جو زخمي نينگر نازڪ حالت ۾ رحيم يار خان منتقل
بخشاپور ( ن پ ا) روڊ حادثي ۾ زخمي ٿيل نينگر کي ڳڻتي جوڳي حالت ۾ رحيم يارخان منتقل ڪيو ويو. مين روڊ تي سارين سان ڀريل ٽريڪٽر رستو ڪراس ڪندڙ پنج ورھين جي معصوم نينگر راھول ميگھواڙ کي ٽڪر هنيو، جنهن جي نتيجي ۾ نينگر سخت زخمي ٿي پيو. نينگر جي ڄنگھه مٿان ٽريڪٽر چڙهي وڃڻ سبب سندس حالت بگڙي وئي ۽ کيس رحيم يار خان جي اسپتال منتقل ڪيو ويو
غوثپور ۾ قبائلي جهيڙن جي خاتمي لاءِ ريلي
غوثپور (ن پ ا) قبائلي جهيڙن کي ختم ڪرائڻ لاءِ سول سوسائٽي امن ڪاميٽي شهري مذهبي سياسي سماجي قومپرست ڌرين پاران پرامن احتجاجي ريلي ڪڍي وئي، بک هڙتالي ڪيمپ پريس ڪلب اڳيان لڳائي وئي جنهن ۾ سوين ماڻهن شرڪت ڪئي.
ڪشمور مان ملندڙ عورت جي لاش جي سڃاڻپ ٿي وئي
بي ايس فيڊر مان ملندڙ لاش جي سڃاڻپ امرون پٺاڻ طور ڪئي وئي
گهرواري کي مرگهي هئي ، پير ترڪڻ سبب ٻڏي هوندي :عبدالرسول
ڪشمور(ن پ ا) گڊو بيراج ڀرسان بي ايس فيڊر مان هٿ آيل عورت جي لاش جي سڃاڻپ مسمات امرون پٺاڻ طور ڪئي وئي آهي ، پوسٽ مارٽم بعد لاش وارثن حوالي ڪيو ويو . اڄ صبح وقت بي ايس فيڊر ۾ لاش ترندي ڏسي گڊو پوليس کي اطلاع ڏنو ويو جنهن کانپوءَ پوليس ۽ ڳوٺاڻن پنهنجي مدد پاڻ تحت لاش ٻاهر ڪڍيو. ڪجهه ڪلاڪن کانپوءِ لاش جي سڃاڻپ گڊو بي ايس فيڊر ڀرسان تاج محل پاڙي جي رھواسڻ عورت مسمات امرون پٺاڻ طور ڪئي وئي 60 سالا مسمات امرون پٺاڻ جو لاش ڪشمور سول اسپتال آندو ويو جتان پوسٽ مارٽم بعد لاش وارثن حوالي ڪيو ويو .سول اسپتال ڊاڪٽرن جي رپورٽ موجب مسمات امرون جو موت پاڻي ۾ ٻڏڻ ڪري ٿيو آهي رابطو ڪرڻ تي فوتي عورت جي مڙس عبدالرسول پٺاڻ چيو ته سندس گهرواري کي مرگهي جا دورا پوندا هئا بيماري جي حالت ۾ پير ترڪڻ سبب پاڻي ۾ ڪري فوت ٿي .
ڪشمور ڀرسان بي ايس فيڊر مان پيرسن عورت جو لاش هٿ، لاوارث حالت ۾ اسپتال منتقل
بي ايس فيڊر ۾ پيرسن عورت جو لاش هٿ ڪيو ويو، عُمر اٽڪل 50 سال لڳي ٿي: پوليس
سڃاڻپ نه ٿيڻ ڪري لاش ڪشمور اسپتال جي سرد خاني ۾ رکيو ويو آهي
ڪشمور (ن پ ا) ڪشمور جي گڊو ٿاڻي جي حد ۾ سيف لاا محله جي ڀرسان بي ايس فيڊر ۾ 50 سالن جي عورت جو لاش گڊو پوليس ڪڍرائي ڪشمور اسپتال جي سرد خاني ۾ رکي ڇڏيو جڏھن لاش جي سڃاڻپ نه ٿي سگھيو. پوليس چيو آهي ته لاش جي سڃاڻپ نه ٿيڻ ڪري لاوارث حالت ۾ اسپتال منتقل ڪيو ويو آهي.
“جھيڙا ختم ڪريو” تنگواڻي ۾ قبائلي تڪرارن جي خاتمي لاءِ سول سوسائٽي جي ريلي
تنگواڻي (رپورٽ:لطف سنڌي ) تنگواڻي ۾ فرينڊس ڪلب ۽ سول سوسائٽي طرفان بجاراڻي ۽ تيغاڻي قبائلي تڪرار ختم ڪرائڻ لاءِ احتجاجي ريلي ڪڍي وئي، ماشاالله هوٽل کان قاري ڪفايت الله کوسو، ابراهيم خاڪي، احمد بلوچ ، اختر حسين باجڪاڻي ، رحمدل لاشاري ، غلام حسين ڏاهاڻي ، ربڏنو ملڪ ، اسماعيل بهلڪاڻي پاران نڪتل ريلي رهبر چوڪ ، ملڪ مارڪيٽ ، سنڌڙي چوڪ ، ٺل روڊ ، اسٽيشن روڊ کان ٿيندي وين اسٽاپ وٽ پهتي جتي اڳواڻن خطاب ڪندي چيو تہ گذريل ڪيترن ئي سالن کان ڪشمور اندر نوجوانن کي ماري مائرن جون هنجون خالي ۽ معصومن کي يتيم ڪيو پيو وڃي ، هنن چيو تہ صوبائي ۽ وفاقي حڪومت سميت هتان جي بااثر سردارن کي ڌرين جي ٺاهہ لاءِ ڪوششون وٺڻ گهرجن تہ جيئن ضلعي ۾ امن امان بحال ٿي سگهي، هنن چيو تہ ايس ايس پي ڪشمور حيدر رضا ٻنهين ڌرين کي ٺاهہ ڪرڻ لاءِ راضي ڪري سگهي ٿو ، هنن چيو تہ ضلعي انتظاميہ کي تڪرار جي خاتمي تي ڪردار ادا ڪرڻ گهرجي تہ جيئن ضلعي جو امن بحال ٿي وڃي ۽ قيمتي انساني جانيون ضايع ٿيڻ کان بچي سگهن ٿيون .
اسپيشل ايجوڪيشن ڪنڌڪوٽ ۾ 115 جعلي ڀرتيون، ڪيس داخل
ڪيس ۾ اڳوڻو پرنسپال عبدالرحيم، ايس ايم سول، ايس اوز ڪشور ڪمار ۽ ناز پروين نامزد
ڪنڌڪوٽ (رپورٽر) اسپيشل ايجوڪيش ڪنڌڪوٽ ۾ 115 جعلي ڀرتين جو انڪشاف، ذميوارن خلاف ڪيس داخل، اسپيشل ايجوڪيشن ڊپارٽمينٽ ۾ پئسن عيوض وڏي پيماني تي جعلي ڀرتيون ٿيڻ جو انڪشاف ٿيو آهي، اسپيشل ايجوڪيشن ۾ جعلي ڀرتيون 2012 ۾ ٿيون، جن ۾ چوڪيدار، پٽيوالا ۽ ٻيا شامل آهن، ڊپٽي ڊائريڪٽر اينٽي ڪرپشن جاويد احمد هاليپوٽو جي حڪم تي جعلي ڀرتين جي معاملي جو اڳوڻي پرنسپل اسپيشل ايجوڪيشن ڪشمور ڪنڌڪوٽ عبدالرحيم بهلڪاڻي،سيڪشن آفيسر ڪراچي ڊاڪٽر ڪشور ڪمار،سيڪشن آفيسر ڪراچي ناز پروين، اڳوڻي ميڊيڪل آفيسر ڪنڌڪوٽ هيرالدين گجراڻي ۽ ايم ايس ڪنڌڪوٽ سول اسپتال نظير احمد اعواڻ خلاف ڪرائيم نمبر 4، 2018 تحت ڪيس داخل ڪيو ويو آهي. ان حوالي سان سرڪل آفيسر اينٽي ڪرپشن ڪنڌڪوٽ شاهد بشير کوسو ٻڌايو ته اسپيشل ايجوڪيشن کاتي ۾ 12 کان 15 لک رپيا في آرڊر تي وٺي 115 ماڻهن کي جعلي نوڪريون ڏنيون ويون، جعلي طور ڀرتي ٿيل ملازم 2012 کان 2015 تائين پگهارون به کڻندا رهيا، جنهن ڪري سرڪاري خزاني کي ڪرڙين روپين جو نقصان ٿيو، سرڪل آفيسر جو چوڻ هو ته جعالي ڀرتيون ڪندڙ آفيسرن روپوش ٿي ويا آهن سندن جي گرفتاري لاءِ ڇاپا هنيا پيا وڃن،جلد گرفتار ڪري لوٽيل سرڪاري پئسي جو حساب ورتو ويندو.
ڪنڌڪوٽ جي عدالت پاران جھيڙي جي ڪيس ۾ جوابدار جي ضمانت منظور
ڪنڌڪوٽ (ن پ ا) ڪنڌڪوٽ جھيڙي جي ڪيس ۾ گرفتار جوابدار جي عدالت ضمانت منظور ڪري ورتي ضمانت ٿيڻ بعد جوابدار ھوندل جکراڻي آزاد ٿي ويو جڏھن ته گرفتار جوابدار مٿان اي سيڪشن ٿاڻي تي گناھہ نمبر 69/2013 جي ڪيس ۾ گرفتار ھو جوابدار جي ضمانت ايڊيشنل سيشن جج جي عدالت منظور ڪري ورتي.
ڪنڌڪوٽ پوليس وٽ پيش ٿيندڙ ڏوهاري مقابلي ۾ گرفتار ڪرڻ جي دعويٰ
جوابدار غلام حيدر ڀڄڻ جي ڪوشش ڪئي، مقابلي بعد گرفتار ڪيو: پوليس
جوابدار غلام حيدر بنگوار پاڻ ٿاڻي تي پهچي گرفتاري ڏني هئي: ذريعا
ڪنڌڪوٽ(رپورٽ: احمد علي مغل) ڪنڌڪوٽ بي سيڪشن پوليس پاڻ پيش ٿيل گرفتاري ڏيندڙ ڏوھاري کي لوھي پل واري علائقي ۾ مقابلو ڄاڻائي گرفتاري ظاھر ڪري ڇڏي. انھي حوالي سان ذريعن مان مليل ڄاڻ موجب مختلف ڪيسن ۾ جوابدار غلام حيدر بنگوار پاڻ پوليس وٽ پيش ٿي گرفتاري ڏني جنھن کي پوليس پنھنجي ڪارڪردگي ڏيکارڻ لاءِ لوھي پل واري علائقي ۾ مبينا مقابلو ڏيکاري گرفتاري ظاھر ڪئي انھي سلسلي ۾ ايس ايڇ او ٻڌايو تہ اسين معمول موجب گشت تي وڃي رھيا ھئاسين تہ ڏوھاري پوليس کي ڏسي ڀڄڻ لڳو جنھن جو پوليس پيڇو ڪري مقابلي بعد ٽي ٽي پسٽل سميت گرفتار ڪري ورتو آھي.
ڪنڌڪوٽ ۾ گيس جو بحران ختم نه ٿيو، شهرين پاران ڌرڻي جو اعلان
ايڪشن ڪاميٽي پاران جمعي تي گيس آفيس آڏو ڌرڻو هنيو ويندو
شهر جي ڪيترن ئي علائقن ۾ گيس جي فراهمي بند ڪرڻ زيادتي آهي: اڳواڻ
ڪنڌڪوٽ ( رپورٽر ) ڪنڌڪوٽ شھر جي اندر گيس جي بحران تي انتظاميہ ڪنٽرول نہ ڪري سگھي آهي. گيس بحال ايڪشن ڪاميٽي پاران جمعي جي ڏينھن گيس آفيس جي آڏو ڌرڻي جو اعلان ڪيو آهي. ان سلسلي ۾ ڪميٽي جي گڏجاڻي ايس يو پي آفيس ۾ ٿي گذري جنھن ۾ ابراھيم خاڪي، دلمراد ڏاھاڻي، عباس باجڪاڻي ، شاھنواز مرھيٽو ء محبوب ميراڻي شرڪت ڪئي جنھن ۾ اڳواڻن چيو تہ گيس انتظاميا پاڻ ۾ بدلي جي معاملي تي ھلندڙ جھيڙي جي ڪري شھر اندر ملازمن ڄاڻي واڻي مختلف علائقن جون گيس پائیپ لائینون بند ڪيون آھن شھر جي اندر ڪيترائي علائقا اھڙا آھن جتي 15 ڏينھن کان ھڪ منٽ بہ گيس جي فراھمي نہ ٿي آھي ۽ اڪثر علائقن ۾ بجلي جي لوڊشيڊنگ جيان ڪيترائي ڪلاڪ بند ڪري چالو ڪرڻ جو سلسلو جاري آھي جنھن جي ڪري اسان جمعي جي ڏينھن تي شھرين سان گيس بند جي زيادتي ڪرڻ واري عمل خلاف ڀرپور احتجاج ڪنداسين جيئن سوئي سدرن گيس جي اعليٰ اختیارن تائین آواز پھچائي سگھون .
بڊاڻي ۾ ڊرينيج جو ڪم رولڙي جو شڪار، نالين جا ڍڪڻ نه لڳا، احتجاج
پبلڪ هيلٿ کاتي پارا هڪ سال اڳ ڊرينيج جو ڪم شروع ڪيو ويو، جيڪو هيل تائين مڪمل نه ٿي سگھيو
ڪجھه ڏينهن اڳ معائنو ڪندڙ ٽيم به ڪم جو جائزو وٺي ڍڪڻ لڳائڻ جو چيو پر ڪنهن به نوٽيس نه ورتو
بخشاپور (رپورٽ: مڪيش ڪمار) بخشاپور ويجھو يوسي بڊاڻي ۾ ھڪ سال اڳ پبلڪ ھيلٿ طرفان ڊرينج نالين جو ڪم ٿيو ھو جيڪو ھن مھل تائين مڪمل نه ٿي سگھيو آھي ٺيڪيدار پاران ناقص مٽيريل استعمال ڪرڻ تي مختلف نالين جا ڍڪڻ ڀڄي چڪا آھن جنھن سبب کليل نالين ۾ ٻارن جو ڪرڻ روز جو معمول بڻجي چڪو آھي بڊاڻي يوسي جي شھرين سھراب مڙل.منظور مڱڻھار.حاجي سومرو ۽ معصوم ٻارن جو انتظاميا جي اھڙي رويئي خلاف احتجاج ڪندي چيو ته ھڪ سال اڳ پبلڪ ھيلٿ طرفان ڊرينيج نالين جو ڪم شروع ٿيو ھو جيڪو ھن مھل تائين مڪمل نه ٿي سگھيو آھي ڊرينيج نالين مٿان لڳل ڍڪڻ به ڀڄي چڪا آھن جنھن ڪري اسان جا ٻار ھر روز انھي نالين ۾ ڪري پون ٿا نالين جي صفائي سٿرائي نه ٿيڻ ڪري بيماريون به پکڙجڻ لڳيون آھن يوسي چيئرمين ۽ ضلعي انتظاميا کي شڪايت ڪرڻ باوجود ڪو کڙ تيل نه نڪتو آھي شھرين وڌيڪ ٻڌايو ته ڪجھ ڏينھن پھريان لاڙڪاڻي ڊويزن کان ھڪ ٽيم آئي جنھن نالين کي ناقص قرار ڏئي ٻيھر مرمت ۽ نالين کي فوري طور ڍڪڻ وجھڻ جو انتظاميا کي حڪم پڻ ڏنو ھو ليڪن ان بعد به مرمت جو ڪم نه ٿي سگھيو اسان سنڌ جي وڏي وزير ڊي سي ڪشمور ۽ وس وارن کي اپيل ٿا ڪريون ته ٺيڪيدار خلاف نوٽس وٺي ڊرينيج جو ڪم مڪمل ۽ گٽرن مٿان ڍڪڻ ڏنا وڃن ته جيئن ڪو جاني نقصان ٿيڻ کان بچي سگھي.