آصف زرداري گرفتار ٿيو ته عوام وٽ وينداسين: اعجاز جکراڻي

ڳڙهي خيرو ( رپورٽر ) پاڪستان پيپلز پارٽي لاڙڪاڻي ڊويزن جي صدر ۽ اڳوڻي ايم اين اي ۽ وفاقي وزير مير اعجاز خان جکراڻي محمد پور اوڍو ۾ ميڊيا سان ڳالهائيندي چيو تہ پيپلز عوامي پارٽي آهي ۽ عوام جي طاقت تي يقين رکندي آهي ، اگر آصف زرداري کي گرفتار ڪيو ويو ته پوءِ اسان عوام وٽ وينداسين. پيپلز پارٽي خلاف ھميشہ سازشون ٿينديون رهيون آهن ھاڻوڪي جي آئي ٽي نئين ڳالھ ناھي اڳي به پيپلز پارٽي جي اڳواڻن خلاف ڪڏھن ايف آئي اي تي ڪڏھن ٻين ادارن کان ڪاميٽيون جوڙايون ويون اڳي بہ زرداري صاحب کي ناحق 11 سال قيد ۾ رکيو ويو اڃان تائين ان جو به حساب ڪتاب نه ڏنو ويو آهي ته ان کي جيل ۾ ڇو وڌو ويو ان مٿان ته ڪو ڪيس به ثابت نه ٿيو آھي 11 سال زندگي جا ان کي ڪير موٽائي ڏيندو.