اتر قطب ۾ پهريون ڌاڙو هڻندڙ برف جي دوزخ ۾ قيد

اوسلو (دلچسپ) سويڊن ۽ اتر قطب جي وچ واري علائقي ۽ ڌرتي جي اتر قطب ۾ پهريون ڀيرو بينڪ ڌاڙي جو جوابدار گرفتار ڪيو ويو آهي. علائقي کي برف جو دوزخ چيو ويندو آهي، جيڪو علائقو گليشيئر ۽ پولار رڇن جي ڪري مشهور آهي. علائقي ۾ ماڻهن کان وڌيڪ رڇن جي آبادي آهي. سوالبورڊ علائقي ۾ واحد بينڪ آهي، جتي هڪ پرڏيهي گهمڻ لاءِ آيو ۽ بينڪ ۾ ڌاڙو هنيائين، جنهن کي علائقي جي پوليس گرفتار ڪري ٿڌي علائقي ۾ قيد ڪري ڇڏيو آهي، جتي گرمي پد ڪاٽو کان هميشا گهٽ يعني 20 کان ڪاٽو 40 جي دوران رهندو آهي. علائقي ۾ صرف 2 هزار ماڻهن جي آبادي آهي، جڏهن ته علائقي کي برف جو دوزخ پڻ ڪوٺيو ويندو آهي. پوليس موجب جوابدار ڌاڙي کانپوءِ فرار ٿيڻ جي ڪوشش ڪئي، پر کيس جلد گرفتار ڪري قيد ڪيو ويو آهي.