اسلام ڪوٽ ۾ صحافين تي تشدد خلاف مختلف شهرن ۾ احتجاج

ڪراچي(نمائندن وٽان)اسلام ڪوٽ جي صحافين تي اينٽي انڪروچمينٽ عملي پاران مبينه تشدد ڪرڻ خلاف مختلف شهري ۾ صحافين پاران احتجاج ڪيو ويو،ان ڏس ۾ آيل رپورٽن مطابق ٿر جي صحافي برادري سينئر صحافين ممتاز نهڙيو، اعجاز بجير،امتيازڌاراڻي،ولي خان نهڙيو،سومار راهمون،عارف علي دل، خالد عمراڻي،جهامن مصراڻي ۽ ٻين جي اڳواڻي ۾ عوامي پريس ڪلب آڏو احتجاجي مظاهري کي خطاب ڪندي چيو ته اسلام ڪوٽ ۾ شھرين جي ڪوريج لاءِ پهتل صحافين غازي بجير،سڌير راٺوڙ،سجاول بجير ۽ ٻين مٿان تشدد سنڌ سرڪار جي کليل غنڊاگردي آھي. جنهن جي مذمت ۽ ملوث اهلڪارن کي گرفتار ڪرڻ جو مطالبو ڪريون ٿا. ڏيپلو ۾ عوامي تحريڪ جي فاروق مريداڻي، تنوير لنگھو،اسد مياڻو، شھري اتحاد جي نجم جوڻيجو،راجيش پوراڻي،لڇمڻ ولاسائي،انيل ولاسائي، منيش پروانو ،صحافين محمد علي مريداڻي ، نريش موراڻي، ساگر ڏيپلائي ،رياض بجير ۽ ٻين پريس ڪلب ڏيپلو اڳيان احتجاج ڪيو،فيض گنج ۾ رياض سولنگي،لطيف ابراهيم چانگ،شاهد جاويد راجپوت،وجاهت چانگ،رياض خاصخيلي ۽ ٻين ڳالهائيندي چيوته اسلام ڪوٽ جي صحافين تي تشدد ڪرڻ وارو عمل مذمت جوڳو عمل آهي،هنن چيوته حددخيلن جي آڙ ۾ صحافين تي تشدد ڪيو ويو آهي،هنن چيوته صحافي حق سچ لکن ٿا جن کي حق سچ لکڻ تان روڪڻ لاء اهڙيون ڪاروائيون ڪيون پيون وڃن هنن سنڌ حڪومت کان مطالبو ڪندي گهر ڪئي صحافين تي تشدد ڪندڙ اهلڪارن تي ڪيس داخل ڪري صحافين کي تحفظ فراهم ڪيو وڃي.