اوقاف کاتي جي رٽائر ملازمن جي 6 مهينن کان پينشن بند، ڀٽائي گھوٽ کي دانهن

ڀٽ شاهه (رپورٽ: راجا بوزدار) اوقاف جي رٽائرڊ ملازمن طرفان ڀٽائي جي مزار تي حاضري ـ ملازمن کي پينشن جلد جاري ٿيڻ لاءِ دعائون ـ رٽائرڊ ملازمن جي وفد سيد محمد احمد جعفري ، گل حسن ميمڻ ـ عبدالجبار ـ محمد رمضان ـ جميل الدين ـ محمد نعيم ـ محمد شفيع ۽ ٻين جي اڳواڻي ۾ ڀٽ شاهه پهچي شاعرن جي سرتاج حضرت شاهه عبداللطيف ڀٽائي جي مزار تي چادر چاڙهي پاڪستان جي سلامتي ـ استحڪام ـ ترقي ۽ خاص طور تي سنڌ ۾ امن ـ محبت ۽ خوشحالي لاءِ دعائون گهريون ـ ان موقعي تي رٽائرڊ ملازمن ڀٽائي جي مزار تي موجودگي ۾ رب پاڪ جي حضور ۾ دعا ڪئي ته کين جلد پينشن جاري ٿي وڃي. ان موقعي تي رٽائرڊ ملازمن جي ويلفيئر ڪميٽي جي وائيس چيئرمين سيد محمد احمد جعفري ۽ ٻين صحافين سان ڳالهائيندي چيو تـ چيف ايڊمنسٽريٽر اوقاف منور علي مهيسر بـ پيشن جلد ادا ڪرڻ جي يقين دهاني ڪرائي آهي ۽ ڪراچي ۾ سيڪريٽري فنانس نعيم احمد شاهه سان بـ ملاقات ڪئي جنهن پڻ بنا ڪنهن دير جي 374 رٽائرڊ ملازمن کي پينشن جاري ڪئي ويندي ـ مگر اسان اڄ اسان ڀٽائي جي در تي حاضري ڀري دعا گهري رهيا آهيون ۽ حڪومت سنڌ کان مطالبو ڪري رهيا آهيون تـ جلد کان جلد رٽائرڊ ملازمين جو مسئلو حل ڪري انهن کي وڌيڪ تڪليفن ۽ پريشانين کان بچايو وڃي.