اي سي ايل ۾ نالو آيو ته ڇا ٿيو؟ گهمڻ لاءِ پنهنجو ملڪ ئي وڏو آهي: منظور وساڻ

ڪراچي (رپورٽر) پ پ اڳواڻ منظور وساڻ چيو آهي ته اي سي ايل ۾ نالو آيو ته ڇا ٿيو، گهمڻ لاءِ پنهنجو ملڪ ئي وڏو آهي. ڪراچي ۾ ميڊيا سان ڳالهائيندي پ پ اڳواڻ منظور وساڻ چيو ته پارٽي قيادت جو اي سي ايل نالو ڏنو ويو آهي ته ڇا ٿي پيو، اسان اِتي پيا گهُمنداسين، پاڪستان وڏو ملڪ آهي. هُن چيو ته اسان ننڍن ننڍن جيلن ۾ رهڻ جا عادي ٿي ويا آهيون، ڪراچي ۾ ميڊيا، هن وقت اپوزيشن جو وارو آهي، ڪجهه عرصي کانپوءِ پي ٽي آءِ حڪمرانن جو به وارو ايندو، بچندو ڪير به نه. هڪ سوال جي جواب ۾ منظور وساڻ چيو ته 2020ع ۾ عمران خان جو ڪوبه سياسي مستقبل نظر نٿو اچي، پي ٽي آءِ حڪومت نٿي هلائي سگهي ۽ سياسي خودڪشي ڪري رهي آهي.