بااثر 2 پوٽيون کنڀي ويو آهي، ملير ۾ پيرسن جوڙي جو احتجاج

ملير (ن پ ا) ملير ۾ يوسي پپري جي ڳوٺ الله بخش حمائتي جي رهواسي پيرسن الله ڏني حمائتي، ڇڇر حمائتي ملير پريس ڪلب اڳيان احتجاج ڪندي چيو آهي ته بااثر وڏيرو يوسف حمائتي ۽ سندس پٽ امين حمائتي منهنجي ٻن پوٽين رضيا، رشيده کي اغوا ڪري پاڻ وٽ قيد ڪري ڇڏيو آهي، هن پيرسن جوڙي چيو ته رشيده ۽ رضيا ٻنهي ڀينرن کي پپري مان اغوا ڪري يوسف حمايتي ڳاڙهو شهر لڳ پنهنجي ڳوٺ جهور ۾ قيد ڪري رکيو آهي، جڏھن ت بن قاسم ٿاڻي تي نينگرين جي اغوا جو ڪيس داخل ڪرائڻ باوجود جوابدارن خلاف ڪاروائي ڪرڻ کان انڪاري آهي، هنن چيو ته اسان جون نياڻيون يتيم آهن، جن جي حياتين کي خطرو آهي، اسان آءِ جي سنڌ، ايس ايس پي ملير، ايس ايس پي ٺٽو کي اپيل ٿا ڪريون ته اسانجون نياڻيون جلد بازياب ڪرايون وڃن.