جعلي بينڪ اڪائونٽس ۽ مني لانڊرنگ ڪيس سومر تي ٻڌڻي لاءِ مقرر

اسلام آباد ( ن پ ا ) سپريم ڪورٽ ۾ جعلي بينڪ اڪائونٽس ۽ مني لانڊرنگ ڪيس ايندڙ سومر تي ٻڌڻي لاءِ مقرر ڪندي اڳوڻي صدر آصف زرداري سميت نوٽيس جاري ڪيا ويا. سپريم ڪورٽ ۾ جعلي بينڪ اڪائونٽس ۽ مني لانڊرنگ ڪيس جي ٻڌڻي چيف جسٽس ميان ثاقب نثار ۽ جسٽس اعجاز الاحسن تي ٻڌل سپريم ڪورٽ جي 2 رڪني بينچ 31 ڊسمبر سومر ڏينهن ڪندي. سپريم ڪورٽ اڳوڻي صدر آصف زرداري، سندس ڀيڻ فريال ٽالپر، بحريه ٽائون جي سربراهه ملڪ رياض، زين ملڪ، انور مجيد، عبدالغني مجيد، نمر مجيد ۽ ٻين کي نوٽيس جاري ڪري ڇڏيا، اٽارني جنرل، جي آءِ ٽي سربراهه ۽ ميمبرن، پراسيڪيوٽر جنرل نيب، آءِ جي سنڌ، آءِ جي جيلز کي به نوٽيس جاري ڪيا ويا.