شاگردياڻين ۾ منشيات جو واهپو 75 سيڪڙو وڌي ويو: وفاقي وزير شيرين مزاري

اسلام آباد ( م ڊ ) انساني حقن واري وفاقي وزير شيرين مزاري چيو آهي ته اسلام آباد جي نجي اسڪولن ۾ شاگردياڻين طرفان منشيات جي استعمال ۾ 75 سيڪڙو واڌ ٿي آهي، قومي اسيمبلي ۾ ڳالهائيندي شيرين مزاري چيو ته اسلام آباد جي نجي اسڪولن ۾ شاگردياڻين طرفان منشيات جو استعمال ڪرڻ تمام اهم مسئلو آهي، ائين ته نه ٿا ڪري سگهون ته سڀ ڪجهه ڏسون ۽ پوءِ لڪائي ڇڏيون، وفاقي وزير چيو ته هڪ غلط فهمي پيدا ٿي هئي ته 75 سيڪڙو شاگردياڻيون منشيات استعمال ڪري رهيون آهن، ائين بلڪل ناهي، سروي ۾ اهو ظاهر ٿيو آهي ته شاگردياڻين طرفان منشيات جي استعمال ۾ 75 سيڪڙو واڌ ٿي آهي ۽ اهو مسئلو تمام وڏو آهي، حل ٿيڻ گهرجي.