“شڪي ڊرون ٻڙڌڪ مچائي ڇڏيو” لنڊن ۾ ملتوي ڪيل اڏامون ٻن ڏينهن کانپوءِ بحال

لنڊن (ا ڊ) برطانيا جي گادي واري هنڌ لنڊن جي ايئرپورٽ گيٽ وڪ تي اربع رات شڪي ڊرون اڏامڻ کانپوءِ فلائيٽس آپريشن معطل ڪيون ويون هيون، برطانوي هوائي فوج پاران ايئرپورٽ کي سڪيورٽي ڪليئرنس ڏيڻ کانپوءِ اڏامون شروع ڪيون ويون آهن. برطانوي پوليس پاران ڊرون اڏائيندڙن کي پڪڙي ناهي سگهي، جڏهن ته ٽئين ڏينهن به ڊرون توڙي ان کي اڏائيندڙ جي ڳولا جاري آهي. گيٽ وڪ ايئرپورٽ انتظاميا موجب 765 ٻن ڏينهن دوران 765 اڏامون معطل ٿيون، جيڪي هاڻي بحال ٿينديون. ٻن ڏينهن دوران هزارين مسافر ايئرپورٽ تي ڦاٿل رهيا، جڏهن ته ٻاهران ايندڙ فلائيٽس کي هيٿرو ايئرپورٽ توڙي ٻين شهرن ڏانهن منتقل ڪيو ويو. انتظاميا موجب صرف جمعي جي ڏينهن 140 اڏامون شروع ڪيون وينديون، جيڪي هڪ لک 40 هزار مسافرن کي پنهنجي منزلن ڏانهن کڻي توڙي ڇڏي اينديون.