صوبائي محتسب کي ترقيون روڪڻ، نوڪري ختم ڪرڻ سميت اختيار مليل

ڪراچي: عورتن تي تشدد ۽ حراسمينٽ وارن واقعن کي روڪڻ لاءِ قائم ٿيل اداري کي سرڪاري ملازمن جون ترقيون روڪڻ ۽ جبري رٽائرڊ ڪرڻ جا به اختيار مليل آهن. ان سلسلي ۾ گڏ ڪيل ڄاڻ موجب صوبائي محتسب پاران عورتن سان خراب روِين سان پيش اچڻ، جسماني تشدد جو نشانو بڻائڻ، لکت يا زباني طور عورت کي حراسان ڪرڻ، عزت گھٽائڻ سميت حراسمينٽ تي ڪنهن ٻئي زمري ۾ ايندڙ سرڪاري ملازم جوابدارن جي نوڪرين ۾ ترقي روڪڻ، جبري طور رٽائرڊ ڪرڻ، خانگي ۽ سرڪاري اداري جو عارضي بنيادن تي ڪم روڪرائي ڇڏڻ، ڏنڊ جي رقم وٺي متاثر ڌُر کي ڏيڻ جا اختيار رکي ٿو. عورتن جي تحفظ وارِي صوبائي محتسب کي ڄاڻايل اختيار هئڻ باوجود ڪيتريون ئي سرڪاري ۽ غيرسرڪاري عورتون به ڄاڻايل اداري بابت ڄاڻ نه ٿيون رکن.