عمرڪوٽ ۾ ڀيل برادري جو کوکرا پار پوليس خلاف مظاهرو، ڌرڻو

ڇور (رپورٽ: جگت ڏان چارڻ) عمرڪوٽ ۾ ڳوٺ سباڻي جي ڀيل برادري پاران ڀيل انٽليڪچوئل فورم سنڌ جي مرڪزي اڳواڻ وڪيل لالا ڀيل، ميرچند سهجاڻي، ڊاڪٽر پارو ڀيل، وڪيل منگهارام ڀيل، ڀومجي ساگر، تيرٿ ڀيل ۽ ٻين جي اڳواڻي ۾ ڀيل برادري جي سوين ماڻهن عمرڪوٽ پريس ڪلب اڳيان روڊ بلاڪ ڪري ٽائرن کي باهيون ڏنيون ويون ۽ ڌرڻو هڻيو ويو مظاهرين جو چوڻ هو ته کوکراپار پوليس وڏيرن جي ڪمداري ڪندي اسان تي چوري جو ڪوڙو ڪيس داخل ڪري 15 مهينا اڳ لڄالٽ جو شڪار ٿيل نصيبان ڀيل جي ڪيس کي دٻائڻ لاءِ پوليس زور ڀري رهي آهي انهن چيو ته پوليس بااثر ونگار بڻيل آهي انهن وڌيڪ دانهيندي چيو ته پوليس چوري جو ڪوڙو ڪيس داخل ڪري ماستر ڏانو ڀيل، جگو ڀيل، ارجڻ ڀيل، ڪرشن ڀيل، گهمن ڀيل، ڏيون ڀيل ۽ سينڌل کي گرفتار ڪيو آهي انهي ڪوڙي fir ۽ گرفتاري جي اسان سخت لفظن ۾ مذمت ڪيون ٿا اسان آءِ جي سنڌ ، چيف جسٽس آف سپريم ڪورٽ کي اپيل ٿا ڪريون ته ايس ايڇ او پوليس اسٽيشن کوکراپار ۽ ماروهر پوليس پڪيٽ جي انچارج نظام سمون کي برطرف ڪري گرفتار ڪيو وڃي.