ميري لينڊ آمريڪا ۾ بيوقوف چور جي ٽي وي چورائڻ جي مزاحيه وڊيو وائرل

ميري لينڊ آمريڪا (دلچسپ نيوز) پرنس جارج ڪائونٽي پوليس کاتي شهرين کي خبردار ڪرڻ لاءِ ڪجهه وڊيوز جاري ڪيا آهن. پوليس شهرين کي پارسل ۽ پيڪيج چورن کان بچڻ لاءِ چيو. پوليس جي جاري ڪيل هڪ وڊيو کلي جوڳي آهي، جنهن ۾ هڪ چور کي پورچ سامهون رکيل وڏي ٽي وي چورائي ڊوڙندي ڏسي سگهجي ٿو.
وڊيو ۾ ڏيکاريو ويو آهي ته ضدي چور ڪيترن ئي منٽن تائين ايل اي ڊي ٽي وي کي گاڏي ۾ رکڻ جي ڪوشش ڪري ٿو، پر آخرڪار ٽي وي کي گاڏي ۾ کڻي وڃي ٿو.
پوليس موجب اها ٽي وي فورٽ واشنگٽن جي هڪ گهر ٻاهران چورائي وئي هئي. چوري بعد چور ان ٽي وي تي ڪري به پوي ٿو.
پوليس فيس بوڪ تي ان چور جي تصوير پڻ جاري ڪئي، چور جي ڳولا به جاري آهي.