ميندي جي ڪارخانن تي ڪم ڪندڙ پورهيتن کي گھٽ اجوري جي شڪايت

نوشهرو فيروز: پورهيت علي نواز ٻٻر جو چوڻ آهي ته 8 سالن کان مينديءَ جي ڪارخاني تي ڪم ڪندو آهيان، پر کيس 500 رُپيا ڏهاڙي کانسواءِ ٻيو ڪجهه به نه ملندو آهي، نه کين ڪي سهولتون ڏنيون وڃن ٿيون ۽ نه ئي وري مينديءَ جي دز توڙي مٽيءَ کان بچڻ لاءِ ڪنهن خاص وردي جو انتظارم ڪيو ويو آهي. هن چيو ته ڪارخاني جي مالڪن طرفان حفاظتي اپاءَ نه وٺڻ ڪري ڪيترائي مزدور دم سوڌو ٻين بيمارين ۾ وڪوڙجي ويا آهن. مزدور فرمان راجپوت ٻڌايو ته مينديءَ جي ڪارخانن تي ڪم ڪندڙ هر ٻيو پورهيت ساهه جي تڪليف، ڦڦڙ خراب ٿيڻ ۽ ٻين بيمارين ۾ وڪوڙجي وڃي ٿو، اُن باوجود ملز مالڪ پورهيتن کي ماسڪ يا ڪو ٻيو حفاظتي اوزار مهيا نٿا ڪن.