ٺل ۾ معمولي ڳالهه تان جهيڙو،لٺين ۽ سروٽن جا وسڪارا،25 زخمي

ٺل(ن پ ا)ٺل لڳ مير پور ٻرڙو ٿاڻي جي حد لال ڀٽي اسٽاپ تي هوٽل تي ويٺل مهر ۽ بنگلاڻي برادري جي نوجوانن جو پاڻ ۾ معمولي ڳالهه تان جهيڙو ٿي پيو جنهن ۾ لٺيون ،سروٽا ۽ سريا لڳڻ سبب ٻنهي برادرين جا غلام حسين، فاروق، عبدالرحيم، امداد ،نواز، شاهد، جاويد، بهاول، عبدالحق ،گل محمد، شاهد، رحيم بخش، نديم، گهرام، سليم ۽ نور حسن سميت 25 ڄڻا زخمي ٿي پيا جڏهن ته جهيڙي دوران پوليس موجود هجڻ باوجود خاموش تماشائي بڻيل رهي بعد ۾ ٻين برادرين جي عورتن ۽ مردن ڪلام پاڪ وچ تي آڻي جهيڙي کي ختم ڪرايو جڏهن ته زخمين کي ٺل مير پور ۽ مبارڪپور جي اسپتالن ۾ نيو ويوآھي جڏهن ته علائقي ۾ ڇڪتاڻ واري صورتحال ٻڌائي وڃي ٿي