پنجاب ۾ مقرر پوليس آفيسر فرخ ملڪ جون خدمتون واپس سنڌ حوالي

اسلام آباد (بيورو رپورٽ) وفاقي حڪومت پنجاب ۾ ڪم ڪندڙ سنڌ سان واسطو رکندڙ گريڊ ارڙهين جي پوليس آفيسر فرخ ملڪ جون خدمتون پنجاب کان واپس وٺي سنڌ حڪومت حوالي ڪري ڇڏيون آهن. اهڙيءَ ريت پوليس گروپ جي گريڊ 19 هين جي آفيسر ڪرم الله سومري کي موٽر وي پوليس مان بدلي ڪري سندس خدمتون سنڌ حڪومت حوالي ڪيون ويون آهن. پوليس گروپ جي گريڊ 19هين جي آفيسر ميان سعيد احمد کي ڪي پي ڪي مان بدلي ڪري ايف آءِ اي ۾ مقرر ڪيو ويو آهي. جڏهن ته پوليس گروپ جي 19هين گريڊ جي آفيسر عرفان طارق کي پنجاب مان بدلي ڪري اسلام آباد ۾ مقرر ڪيو ويو. اسٽيبلشمنٽ ۾ مقرري لاءِ انتظار ۾ ويٺل پوليس گروپ جي گريڊ 21 هين جي آفيسر شعيب دستگير کي ايم ڊي نيشنل پوليس فائونڊيشن جڏهن ته نيشنل پوليس فائونڊيشن جي موجوده ايم ڊي عباس حسين ملڪ کي اسٽيبلشمنٽ ڊويزن ۾ رپورٽ ڪرڻ جي هدايت ڪئي وئي آهي. اسٽيبلشمنٽ ڊويزن اهڙين مقررين ۽ بدلين جا نوٽيفيڪيشن جاري ڪري ڇڏيا آهن.