چيني قونصل خاني تي حملي جو ماسٽر مائينڊ اسلم اڇو افغانستان ۾ مارجي ويو

 قنڌار ( م ڊ ) ڪراچي ۾ چيني قونصل خاني تي حملي جو ماسٽر مائينڊ اسلم اڇو افغانستان ڌماڪي ۾ ساٿين سميت مارجي ويو آهي. پرڏيهي ميڊيا جي رپورٽن موجب گذريل مهيني پابندي مڙهيل تنظيم بي ايل اي ڪراچي ۾ قونصل خاني تي حملو ڪيو هو، جنهن وقت حملو ڪيو ويو، ان وقت حملي جو ماسٽر مائينڊ اسلم اڇو ڀارت جي هڪ اسپتال ۾ علاج هيٺ آهي، پر هاڻي اطلاع مليا آهن ته هو افغانستان ڌماڪي ۾ مارجي ويو آهي. رپورٽن موجب قنڌار ۾ بي ايل اي ڪمانڊر اسلم اڇو جي گهر ٻاهران آپگهاتي ڌماڪو ٿيو آهي، جنهن جي نتيجي ۾ اسلم اڇو، ڪريم مري، روستو تاجو ۽ فريد سميت 7 ڄڻا مارجي ويا ۽ 3 زخمي ٿي پيا، حملي وقت اسلم اڇو دوستن سان گڏ گهر کان ٻاهر ويٺل هو ۽ آپگهاتي حملي جي ور چڙهي ويو.