ڪنگري لڳ باهه لڳڻ ڪري 10 جريب ڪمند جو فصل سڙي رک

پيرجوڳوٺ (ن پ ا) ڪنگري لڳ اوچتو باهه لڳڻ ڪري 10 جريب ڪمند جو فصل سڙي رک، لکين روپين جو نقصان، رپورٽ موجب ڪنگري لڳ ڳوٺ گلڻ ناريجو ۾ اوچتو باهه لڳڻ ڪري آبادگار محمد گلڻ ناريجو، نذير احمد، حاجي ميهر ناريجو جو بيٺل 10 جريب ڪمند سڙي رک ٿي ويو جنهنڪري آبادگارن کي لکين روپين جو نقصان پئجي ويو، ان ڏس ۾ آبادگارن محمد گلڻ ناريجو، حاجي ميهر ۽ ٻين ٻڌايو ته اوچتو باهه لڳڻ ڪري اسان جو 10 جريب تيار ٿيل ڪند سڙي رک ٿي ويو جنهنڪري اسان جو لکين روپين جو نقصان ٿي ويو آهي، هنن سنڌ جي وڏي وزير ۽ زراعت کاتي جي صوبائي وزير کان گھر ڪئي ته ٿيل نقصان جو ازالو ڪري اسان کي مالي بدحالي کان بچايو وڃي.