جيڪولين يتيم ۽ بيمار ٻارن سان گڏ ڪرسمس ملھايو

ممبئي (شوبز ڊيسڪ) بالي ووڊ اداڪاره جيڪولين فرنينڊس ڪرسمس يتيم ٻارڙن ۽ ڪينسر جي مريضن سان گڏ ملهائي.
اداڪاره جيڪولين فرنينڊس ڪرسمس کان اڳ شام ڪيترن ئي يتيم خانن جو دورو ڪيو ۽ سانتا ڪلاز جو روپ ڪري ٻارڙن ۾ تحفا ورهايا.
اداڪاره جو چوڻ هو ته ڪرسمس خوشيون ورهائڻ جو نالو آهي، ان لاءِ مون ان موقعي جي شروعات نيڪي سان ڪرڻ کي اوليت ڏني آهي.
ذريعن موجب جيڪولين ٻارڙن سان گڏ نچندي ۽ ڳائيندي به رهي، ان سان گڏ تعليم حاصل ڪرائڻ جي اهميت تي به ڳالهه ٻولهه ڪئي.
ڪرسمس جي موقعي تي اداڪاره جيڪولين فرنينڊس ڪينسر اسپتال به وئي ۽ اتي مريضن جي عيادت ڪندي مريض ٻارڙن ۾ تحفا ورهايا.