سيف ۽ ڪرينه جي پٽ جي نالي تي فلم ٺاهي ويندي

ممبئي (شوبز ڊيسڪ) بالي ووڊ اداڪاره ڪرينه ڪپور خان ۽ سيف علي خان جي پٽ جي نالي تي فلم ”تيمور“ ٺاهي ويندي. ڀارتي ميڊيا موجب فلمساز مڌر ڀنڊارڪرني سيف ۽ ڪرينه جي پٽ جي نالي سان فلم جو نالو به رجسٽرڊ ڪرائي ڇڏيو. جڏهن ته فلم جا وڌيڪ تفصيل سامهون نه ناهن آيا. تميور جي ڏاڏي ۽ ماضي جي مشهور اداڪاره شرميلا ٽئگور پنهنجي پوٽي جي وڌندڙ مقبوليت تي ڳڻتي جو اظهار ڪندي چيو آهي ته جيڪڏهن تيمور جي شهرت اهڙي طرح وڌندي رهي ته هو عام ٻارن وانگر پنهنجو ننڍپڻ نه جيئي سگهندو. ياد رهي ته اداڪار رنوير سنگهه به تيمور خان سان گڏ ڪم ڪرڻ جي خواهش ظاهر ڪري چڪو آهي، جڏهن ته اداڪار اجي ديوگن تيمور کي بالي ووڊ انڊسٽري جو سڀ کان مشهور ”خان“ جو لقب ڏنو آهي.