شاهه رخ جي فلم ”زيرو“ 5 ڏينهن ۾ به 100 ڪروڙ ڪلب ۾ شامل نه ٿي سگهي

ممبئي (شوبز ڊيسڪ) بالي ووڊ ڪنگ شاهه رخ خان، باربلي ڊول ڪترينه ڪيف ۽ انوشڪا شرما جي رومانوي فلم ”زيرو“باڪس آفيس تي 5 ڏينهن ۾ 100 ڪروڙ ڪمائڻ ۾ ڪامياب نه ٿي سگهي.
21 ڊسمبر تي سينيما ۾ نمائش لاءِ پيش ڪيل فلم ”زيرو“ 5 ڏينهن ۾ صرف 81 ڪروڙ ڪمائي سگهي، جيڪڏهن فلم جي ڪمائي اهڙي طرح جاري رهي ته 100 ڪرڙو ڪلب ۾ شامل ٿيڻ لاءِ وڌيڪ 2 ڏينهن لڳي ويندا.
فلم پنڊت ترن آدرش موجب فلم ”زيرو“ سڀ کان گهڻي ڪمائي ٽئين ڏينهن 20 ڪروڙ 70 لک ڪمائي ڪئي، فلم پهرين ڏينهن به سٺي ڪمائي ڪئي، جيڪا 20 ڪروڙ رپين کان وڌيڪ هئي، جڏهن ته چوٿين ۽ پنجين ڏينهن فلم گهٽ ڪمائي ڪئي. اهڙي طرح 5 ڏينهن ۾ فلم جي ڪمائي مجموعي طور 81 ڪروڙ تائين محدود رهي.