پاڪستاني فلم انڊسٽري ڏکئي دور مان گذري رهي آهي: ريما

ڪراچي (شوبز ڊيسڪ) پاڪستاني فلم اسٽار ريما خان چيو آهي ته فلم انڊسٽري بابت منهنجي سوچ هاڪاري آهي ۽ اسان جي فلم انڊسٽري وڌيڪ بهتر ۽ ترقي جي راهه تي اچي سگهي ٿي. هن چيو ته هن وقت پاڪستان انڊسٽري ڏکئي دور مان گذري رهي آهي، پر مستقبل مان سٺيون اميدون رکڻ گهرجي.
ڪراچي پريس ڪلب ۾ پريس ڪانفرنس ڪندي ريما خان چيو ته فنڪار پبلڪ پراپرٽي هوندو آهي، جيڪو عام کي خاص بڻائي ٿو ان توهان تي حق هوندو آهي ۽ پاڪستان کان ٻاهر رهندي مون تي ذميواري آهي ته مان پاڪ سر زمين جي نالي کي وڌيڪ سنواريان.
هن چيو ته اڄ مون جيڪا مشهوري ماڻي آهي، اهو سڀ ڪجهه پاڪستان سبب آهي، جنهن مون تي جڏهن به تنقيدڪئي ته مون دل تي نه ورتو.
سندس چوڻ هو ته روين ۾ تبديلي آڻي ئي اسان بهتري ڏانهن وڌي سگهون ٿا.