ممبئي (شوبز ڊيسڪ) بالي ووڊ ڪنگ شاهه رخ خان، باربلي ڊول ڪترينه ڪيف ۽ انوشڪا شرما جي رومانوي فلم ”زيرو“باڪس آفيس تي 5 ڏينهن ۾ 100 ڪروڙ ڪمائڻ ۾ ڪامياب نه ٿي سگهي.
21 ڊسمبر تي سينيما ۾ نمائش لاءِ پيش ڪيل فلم ”زيرو“ 5 ڏينهن ۾ صرف 81 ڪروڙ ڪمائي سگهي، جيڪڏهن فلم جي ڪمائي اهڙي طرح جاري رهي ته 100 ڪرڙو ڪلب ۾ شامل ٿيڻ لاءِ وڌيڪ 2 ڏينهن لڳي ويندا.
فلم پنڊت ترن آدرش موجب فلم ”زيرو“ سڀ کان گهڻي ڪمائي ٽئين ڏينهن 20 ڪروڙ 70 لک ڪمائي ڪئي، فلم پهرين ڏينهن به سٺي ڪمائي ڪئي، جيڪا 20 ڪروڙ رپين کان وڌيڪ هئي، جڏهن ته چوٿين ۽ پنجين ڏينهن فلم گهٽ ڪمائي ڪئي. اهڙي طرح 5 ڏينهن ۾ فلم جي ڪمائي مجموعي طور 81 ڪروڙ تائين محدود رهي.

ڪراچي (شوبز ڊيسڪ)پاڪستان فلمي صنعت لاءِ سال 2108 ڪاروبار ۽ معيار جي حوالي سان سدائين رکيو ويندو. هن سال سڀني پاڪستاني فلمن 150 اسڪرينز ذريعي 250 ڪرڙو رپين کان وڌيڪ ڪمائي جو رڪارڊ جوڙيو.
“جواني ڦر نهي آني 2” سال جي ئي نه پر تاريخ جي سڀ کان ڪامياب فلم ثابت ٿي. ان فلم پهريون ڀيرو 50 ڪروڙ رپين تائين پهتي ۽ سڄي دنيا ۾ 65 ڪروڙ رپين کان وڌيڪ ڪاروبار ڪيو.
هن سال علي ظفر فلم “طيفا اِن ٽربل” سان پنهنجي پهرين پاڪستاني فلم ڏني، فلم گانن ۽ ايڪشن کان بنا عيد ۽ موڪلن جي مدد جي ڪاميابي نوان رڪارڊ جوڙيا.
پاڪستان جي سڀ کان وڏي ۽ ڪامياب اينٽيميٽيڊ فلم “ڊونڪي ڪنگ” نه رڳو باڪس آفيس تي رڪارڊ جوڙيا پر مارڪيٽنگ، نيوز ۽ يوٽيوب تي به پنهنجو ڌاڪو ڄمايو. فلم سڄي ملڪ ۾ 24 ڪروڙ رپين کان وڌيڪ ڪاروبار ڪيو.

ممبئي (شوبز نيوز) بالي ووڊ جو ڀلوڙ اداڪار نصيرالدين شاهه ڀارت ۾ وڌندڙ انتهاپسندي تي پريشان آهي، سندس چوڻ آهي ته هو ڀارت ۾ پنهنجي ٻارن جي حوالي سان پريشان آهي، سڀاڻي ڪنهن هجوم ٻارن کي روڪي پڇيو ته توهان مسلمان آهيو يا هندو ته هو ڇا جواب ڏيندا. هڪ انٽرويو ۾ هن ميڊيا کي ٻڌايو ته هن پنهنجي ٻارن کي مذهبي تعليم ناهي ڏني، ڇاڪاڻ ته منهنجو خيال آهي ته چڱائي ۽ برائي جو مذهب سان ڪو به واسطو ناهي، جيڪڏهن ڪنهن انتهاپسند کين روڪي مذهب جي حوالي سان سوال ڪيو ته هو ڪو جواب نه ڏئي سگهندا. ڀارت ۾ انتهاپسندي جو زهر پکڙجي چڪو آهي، جنهن کي قابو ڪرڻ تمام گهڻو ڏکيو آهي، هن ملڪ ۾ ڳئون ڪٽڻ تي ردعمل اچي ٿو پر انسان جي قتل تي ڪو به ردعمل نٿو ٿئي.

نئي دهلي (شوبز ڊيسڪ) بالي ووڪنگ شاه رخ خان ريئلٽي شو بگ باس جي ميزبان کي فون ڪري سادي بابت ڳالهه ٻولهه ڪرڻ تي ”ڪالر آف دي ويڪ“ بڻجي ويو. ڀارت جي مشهور ٽي وي پروگرام بگ باس جي سيزن 12 جي قسط ”ويڪ اينڊ ڪا وار“ ۾ ڪنگ خان مهمان طورخاص شرڪت ڪئي. شو جي جهلڪين ۾ ڏسي سگهجي ٿو ته شاهه رخ خان پروگرام جي ميزبان دبنگ خان کي فون ڪري ڪجهه وقت اڳ آيل شادي جي صلاح تي ڳالهه ٻولهه ڪن ٿا.